dowers alocacion fondo.jpg

Fundacion Reclassering a yega di expresa nan preocupacion ya cu proyecto educacional pa rescata hobennan cu a cay cera te den peliger.  Nan ta hayando un tipo di sosten fei di gobierno riba e parti educacional, specialmente e hobennan cu ta hayando les via Openbare Avond Leergangen.  Pero den esaki tin cierto cambio den nan structura educacional cu ta pone den peliger cu e proyecto aki lo por sigui.

Minister di Husticia, sr. Arthur Dowers a declara na  Bon Dia Aruba cu tur proyecto cu ta den bienestar di e muchanan cu ta core risico of cu a cay den problema cu husticia, ta wordo atendi segun e fondonan ta drenta. E ta aclaria cu e no ta un minister di Financia, sino un minister di Husticia.  “Ami no por dicidi riba fondo di pais Aruba. Esaki ta un cos cu ta wordo dicidi conhuntamente”,  el a bisa.

Minister Dowers a afirma cu segun e fondonan ta drenta nan ta traha y nan ta sostene e proyecto.  Pero di otro banda e ta kere cu nos mester realisa nos mes cu “tur hende por duna un contribucion pa yuda”. E no ta kere cu nos mester laga un mucha sin e atencion debido, ya cu ora e ta cay den problema, mester busca reclassering pa bay yude.

E ta haya cu tur cos ta cuminsa na momento cu un mucha inocente ta nace pa duna un miho porvenir, caminda nos tur por uni forsa en bes di ataca otro y mira unda ta wordo saca “un tiki di probecho politico for di dje”. 

Minister Dowers a bisa cu nan tin hopi organisacion trahando hunto , pero e ta kere cu nan mester traha mucho mas cerca cu otro pa nan por wak resultadonan.  Pero e ta insisti cu e resultado ey no ta wordo logra pa minister di Husticia, sino cu cada hende mester compromete pa cera cabes y atende cu e problemanan cu nos ta confronta.

 

LEAVE A REPLY

Please enter your comment!
Please enter your name here