Durante siman Minister Endy Croes hunto cu su conseheronan di Ministerio di EnseƱansa a reuni cu staf di EPI tanto e Algemeen Directeur Sr. Ryan Maduro y Onderwijskundige Directeur Sra. Claudia Withfield riba varios topico pa asina e mandatario keda bon informa di tur desaroyonan. EPI ta un scol grandi di alrededor 1700 alumno.

Manera nos sa EPI a, y ta pasando den innovacion y a modernisa 8 opleiding desde 2021-2022 y como tal e aƱa escolar aki 2022-2023 a inicia cu estudionan nobo. Minister Endy Croes a indica cu esaki sigur tin su retonan cune tanto pa staf, unit managers, begeleidende coordinators y docentenan den e proceso inicial cu nos ta aden. Pero unda tin boluntad y positivismo nos ta logra e obhetivonan na bienestar di e alumnonan. Pues esaki ta den pleno ehecucion na e momento aki. Tambe staf di EPI a splica cu inicialmente stuurgroep a calcula cu e cambionan aki cu ta inicia cu 22 opleiding (grupo) di 26 studiante pero door cu e ā€˜aanvraagā€™ ta asina halto por ehempel den opleiding nobo cu ta ICT e.o. a dicidi pa amplia.

En total tin 29 grupo di 26 studiante cada un. Casi 600 studiante cu a inscribi pa e prome aƱa. Algun deficiencia cu ta trahando riba dje pa resolve den algun dia nos dilanti ta e falta di docente den cierto vaknan pa por cubri tur e lesnan y evita les ā€˜uitvalā€™. Pa e siman entrante lo tin esaki pa 80% resolvi. Alabes a cubri algun inkietud cu ainda por tin. Pa loke ta trata material pa scol Minister Endy Croes a bay di acuerdo y a aloca fondo mesora pa esakinan y hasta un ā€˜bijbouwā€™ unda lo construi algun lokaal extra cu tabata riba planning.

Finalisando e mandatario di EnseƱansa a remarca cu tabata un bon reunion, manera semper ta e meta pa busca solucion y brinda e studiantenan e miho posibilidad den bida pa prepara y desaroya nan mes pa futuro.

LEAVE A REPLY

Please enter your comment!
Please enter your name here