Minister Lampe ta anuncia proyecto piloto Fietsonderwijs

ORANJESTAD – Durante un conferencia ayera na Bertuurskantoor, minister di Enseñansa, Ciencia y Desaroyo Sostenibel, Armando ‘Rudy’ Lampe, a duna di conoce varios proyecto cu gobierno di Aruba a continua, cual a cuminsa den e gobierno anterior.

Lampe a splica cu di parti di gemeente Den Haag a acorda cu e ministerio lo sigui cu e proyecto Fietsonderwijs, unda e burgemeester di Den Haag, den nomber di College van Burgemeester en Wethouders, ta indica cu nan ta bay pone disponibel y financia e oranan di trabou di nan ambtenaar, pa sigui traha riba e proyecto di Fietsonderwijs, y gobierno tambe lo pone e oranan disponibel di e ambtenaar di e pais pa traha riba e proyecto aki.

Lampe a expresa cu manera tur hende sa, Hulanda ta un pais lider den mundo pa loke ta ciclismo y bicicleta. Nan ta conoci pa via di esey, y e ministerio di Enseñansa lo bay cuminsa cu dos proyecto piloto, un na Pius X School na Dakota y un na Filomena Basischool na San Nicolas.

Na e dos scol, Lampe a anuncia cu lo cuminsa siña e muchanan for di chikito pa tur loke ta e uzo di transporte di bicicleta, y asina fomenta na e mesun momento e conocemento di e reglanan di trafico, pero muy na special tambe pa stimula e movecion y salud den comunidad.

“E muchanan tin cu cuminsa for di chikito, pa motibo cu siña e habilidad aki ta importante despues pa nan mesun desaroyo, y pa e pais Aruba”, Lampe a sigura.

Den e acuerdo aki, tambe Lampe a comenta cu gemeente Den Haag ta menciona cu esaki ta un parti nobo cu e ministerio a añadi pa e proyecto cu gobierno anterior tabatin, e parti ta trata di Natuur en Milieu Educatie. Aki tambe Hulanda lo duna sosten, pa loke ta duurzaam onderwijs, tur loke ta materialnan cu nan a produci pa e desaroyo sostenibel y siña e muchanan kico ta reciclahe, reuzo, kico ta economia circular, kico esey ta nifica, con pa proteha e planeta.

Lampe a resalta cu eynan tambe ta den cooperacion cu otro, pa asina por siña e muchanan loke nan a produci caba, e experiencia cu nan tin caba, y asina aki pone na servicio di e scolnan pa stimula e desaroyo sostenibel den e muchanan di un manera practico siña den e naturalesa.

Otro di e acuerdonan cu Lampe a anuncia cu e gobierno anterior a cuminsa traha cu diferente universidad di Canada. E ministerio a caba di firma un MoU den presencia di embahador di Canada y e Prome Minister di Aruba, sra. Evelyn Wever-Croes, hunto cu representante di universidad di Canada. Lampe a bisa cu e acuerdo aki ta importante pa por ofrece e hobennan cu ta caba di studia na Aruba otro posibilidad di profesionalisa cu no ta solamente Hulanda.

Pa via di esey, Lampe a splica cu nan a bolbe firma e MoU aki, pa asina facilita cu e hobennan bou e condicionnan mas faborabel por sigui studia un profesion na Canada.

Tambe Lampe a anuncia e acuerdo cu caba di firma pa loke ta e Stem Faculty cu Universidad di Aruba, unda cu minister Xiomara Ruiz-Maduro a representa e gobierno na New York, Merca pa loke ta un acuerdo final di e financiamento cu fondonan di Union Europeo di e Stem Faculty na Universidad di Aruba, unda proximamente lo bay tin un facultad nobo di cooperacion cu Katholieke Universiteit, pa habri e posibilidad pa e hobennan studia den e ramo di ingenieria ambiental na Aruba.

Di mesun manera, Lampe a duna di conoce loke ta un parti nobo di cooperacion internacional, cu den e dianan aki, ta kedando realisa hunto cu un stichting Help Deschool Kinderen di Corsou y cu boluntarionan di Hulanda. El a splica cu nan a logra yega na e waf di Aruba un container cu material di scol ya uza, pero den hopi bon condicion, y cu lo beneficia e scolnan.

Di otro banda, minister di enseñansa tambe a anuncia cu dia 20 di maart proximo, gobierno lo haci apertura oficial di e Filial di Biblioteca Nacional na San Nicolas pa 6or di atardi.

 

 

 

You May Also Like

‘Ta purba mantene na protocol ora di ausencia di mucha na scol’

Organisacion di cabesantenan di scolnan basico: Den cuadro cu e tema di ausencia di ...

image.jpeg

KPA: Aruba birando centro di di barconan Venezolano

Polis y Duana a tene un accion diamars mainta entre 5:00am pa 12:00pm riba ...

Fundacion Conserva Area Cristal den accion atrobe

Tur compania cu tabata coba na Sero Cristal, Babijn y Jaburibari, a reanuda nan ...

DEA a presenta PEN 2030 na stakeholdernan

ORANJESTAD – Diabierna dia 12 di april, Departamento di Enseñansa Aruba tabatin e honor ...

image.jpeg

Alto Comisario a controla pickup cu 7 stranhero aden y 1 ilegal

  Diaranson atardi Comisario di Polis coriendo den area di Cas Paloma a tuma ...

mia no suicido.jpg

Famia di hoben (20) morto na Tanki Leendert: ‘Mia no a comete suicidio’

E famia directo di Mia Ortiz haya morto den cas diasabra, esta tata, mama ...