Segun Parlamentario, Richard Arends (AVP): Aruba riba lista preto pa falta di prioridad di gobierno

ORANJESTAD – Pa parlamentario di oposicion y ex minister di economia, Richard Arends no tabatin motibo cu pais Aruba a yega asina leu cu Union Europeo(UE)a pone nos den e lista preto bek, pa motibo cu un ley ‘relativamente simpel’ no a wordo trata na tempo.

Nan a ricibi te siman pasa den parlamento pa wordo trata. Pero pa falta di prioridad pa atende e ley aki a haci cu awor pais Aruba ta aparece bek den e lista negativo internacional di UE. Esaki debi cu no a entrega na tempo e cambionan haci den legislacion existente, specificamente di impuesto pa cumpli cu standard internacional.

“Esaki ta algo jammer pasobra e ta un ley tecnico”, el a bisa. Tambe e ta haya cu un ley asina no tin un peso politico cune. Pues e ta un ley relativamente simpel cu no tin un peso politico cune.

E ta considera cu na momento cu gobierno lo a pone e prioridad rekeri y aloca e capacidad humano limita cu tin pa atende cu e ley aki, esey no a pasa. Segun parlamentario Arends, mester haci uzo corectamente di e capacidad limita cu nos tin di huristanan pa atende cu legislacion. Pero e ta haya cu e prioridadnan a wordo poni pa ‘aumenta e impuestonan y esaki ta e resultado.’

Parlamentario Arends (AVP) a indica cu pa añanan Aruba ta conta cu un pool masha chikito di profesional cu ta traha ley, y di fiscalistanan. Pero si gobierno por a aloca tempo y capacidad humano pa atende cu e asunto aki, por a wordo evita cu pais Aruba su nomber a sali den luz negativo.

E ta haya cu e prioridad a wordo poni pa bin cu un reforma fiscal cu su prome fase no tabata nada mas cu un aumento di impuesto. E ta un refleho cu gobierno su prioridad no tabata pa cumpli cu palabracion cu nan mes a haci. Esta cu na luna di december 2018 lo bin cu e ley cu ta relata e cambionan specifico haci riba tereno di impuesto.

 

You May Also Like

Banconan local a firma MoU cu Banco Central di Aruba

En conexion cu realisacion sistema di pago instantaneo Cinco banconan comercial, esta Aruba Bank ...

ALP_8043 (Custom).JPG

Swipe actie ta inicia awe na Noord

Pa yuda comunidad sigui deshaci di criadero GKMB, SELIMAR y DOW a uni forsa. ...

Reunion intensivo tumando luga pa formalisa gobierno nobo

E politico di POR y parlamentario, Andin Bikker a bisa cu e proceso di ...

consulado di cbia acuerdo di paz Br.jpg

Consulado di Colombia lo cuminsa cu pedagogia tocante acuerdo di paz

Diaranson ultimo riba Dia Internacional di Paz, presidente di Colombia, sr. Juan Manuel Santos ...

‘Test di integridad personal: cuanto biaha bo a yega di meld AO sin ta malo?’

Nelly Schotborgh, orado durante e simposio di bon gobernacion cu a tuma luga september ...