Minister Ruiz-Maduro ta duna un bista di e cambio real riba: Aumento di accijns y impuesto di importacion

Minister di Finansa, Asuntonan Economico y Cultura  ta informa riba e aumentonan di accijns y impuesto di importacion y ta duna un bista di e cambionan real riba algun bebida sterki y biña.

Whiskey
E aumento di accijns riba whiskey ta 44%. E porcentahe aki ta calcula a base di e prijs pa cada 100 liter (hectoliter). Esaki ta nifica cu pa un boter di whiskey di un liter, e aumento di accijns ta Awg 9.75. Considerando cu e tarifa di accijns bieu ta Awg 22.10, cu e tarifa nobo di accijns  e aumento di 44% ta bira Awg 31.85 pa un boter di 1 liter di whiskey. Por ehempel si un boter di whiskey di un liter ta costa Awg 50.00 cu e aumento di accijns aki e ta costa awor Awg 60.35 excluyendo BBO.

Biña
Pa un boter di biña di un liter, e tarifa bieu di impuesto di importacion ta Awg 4.00 . Cu e aumento di 8.25% na impuesto di importacion e ta subi cu Awg 0.33 y e tarifa nobo di impuesto di importacion pa boter di biña ta bira Awg 4.33. Esey ta nifica cu si por ehempel un boter di biña di 1 liter tabata costa AWG 20.00 cu e aumento di impuesto di importacion di AWG 0.33 /liter e mesun boter di biña lo bay costa AWG 20.35 excluyendo BBO. E boter di biña aki ta subi cu Awg 0.35. Pues no ta asina cu e prijs di e boter di biña ta subi cu 333%.

Cerbes ‘stout’
Un boter di Cerbes ‘stout’ di 1 liter e accijns ta subi cu AWG 4.33 y pa un boter di 33 cl e accijns ta aumenta cu AWG 1.40 excluyendo BBO.

E meta di e comunicado aki ta pa brinda informacion riba cuanto ta e aumento real di accijns y impuesto di importacion respectivamente. E mandatario ta informa e consumidor pa ta consiente di e aumentonan aki cual no necesariamente mester ser hustifica den un cambio grandi den prijs di e producto.

Pa mas informacion riba e cambionan, por bishita e website di Aduana www. douane.aw of tambe por tuma contacto via emailadres info@douane.aw.

You May Also Like

Dangui Oduber: ‘Mi no kier crea duda riba e maneho di ATA’

Actual parlamentario di MEP y potencial minister di turismo den e gobierno proximo di ...

stimami sterilisami (2).jpg

Mas cu 3000 registracion di cacho te cu awo den campaña Stima mi Sterilisa mi

E campaña di Stima mi Sterilisa mi ta bayendo hopi bon segun Sra. Natalie ...

Bishita di vice minister Colombiano di Relacion Exterior a keda cancela

Na ultimo ora a keda cancela e bishita di un delegacion diplomatico di Colombia, ...

Reforma fiscal lo trece eventualmente un impuesto na estilo di BTW

Minister di financia, asuntonan economico y cultura ta indica cu den proceso pa desaroya ...

Aruba ta disfrutando di frente friu

For di mita di luna di december ultimo, nos ta gosando di un temperatura ...

Biblioteca Nacional ta sigui enfoca riba educacion berde

Green Education Symposium ta hayando anualmente mas acogida. E aña aki tabata e di ...