Ministerio di Desaroyo Social, Labor y Bienestar (DSLB) ta tuma iniciativa pa, hunto cu tur ciudadano, negoshi y institucion, stimula desaroyo social y bienestar di e habitantenan di Corsou den direccion di realisacion di un ambiente di biba, siña, traha y residencia cu ta duradero, salu, yen di amor, sigur, constructivo, cu ta sigura calidad di bida, ta stimulante y emancipa. Den esey famia, hubentud, trabou y desaroyo social tin un luga central.

Pa logra esaki Ministerio di SOAW lo formula y ehecuta un plan strategico cu ta consisti di 4 area di maneho, cual ta:

  1. Desaroyo Social
  2. Labor y oportunidad pa empleo
  3. Bienestar
  4. Fortificacion di Ministerio di SOAW

E maneho lo ta dirigi riba tur grupo den nos comunidad y crea e condicionnan necesario den cuadro di desaroyo social continuo. E maneho conoce un acercamento di abou bini ariba, conhuntamente cu ‘stakeholders’, instancianan di Gobierno y organisacionnan no gubernamental y ciudadanonan, haciendo uzo optimal di tur informacion, experencia, conocemento y rapportnan disponibel.

Tarea di e sector di desaroyo social ta pa sostene y contribui na un maneho social economico rondo di e famia den tur bario di Corsou, halsando calidad di bida di e famia cu ta bou di nivel di sobrevivencia y combibencia.

Tarea di e sector di labor ta pa crea oportunidadnan faborabel y diversifica pa labor -cu condicionnan laboral igual- hunto cu ministerio di Economia, pa e categoria di ciudadanonan cu sea ta buscando trabou of cobradonan di onderstand cu ta productivo o hobennan of personanan cu limitacion fisico of personanan den proceso di resocialisacion.

Tarea di e sector di bienestar ta dirigi riba crea espacio y recursonan den cual e hende ta ser balora y respeta pa e por sigui desaroya su mes y bira un habitante emancipa y ehemplar, cu lo percura pa mantene Corsou su desaroyo optimal y alabes garantisa un futuro cu perspectiva pa e futuro generacionnan. E lema ta: Un famia, un bario, UNPais.

Aparte di esei tambe lo bini komo un punto agrega; Fortificacion di Ministerio di SOAW

Crea un maneho integral cu ta alinea cu e vision y mision di gobierno.

Restructura e departamento di Inspeccion pa esaki por cumpli optimalmente cu su tareanan stipula pa ley pa asina garantisa calidad di e servicionan cu e ministerio ta ofrese.Re- defini e maneho di subsidio di fundacionnan y instancianan. Profesionalisa y capacita e personal di ministerio di SOAW.

I. SEKTOR di Desaroyo Sosial

Areanan di enfoke:

  • Maneho di Bario den e 12 barionan identifica caminda ta conoci cu tin pobresa
  • Desaroya un plan strategico pa maneho di bario den e 12 barionan identifica[1] caminda ta conoci cu tin pobresa.
  • Desaroya un maneho integral, pa combati exclusion y isolacion social di famianan den e 12 barionan identifica y exclusion di personanan cu desabilidad fisico, caminda ta percura pa un reda social
  • Re- activa of introduci centronan di bario den e 12 barionan identifica [2] como barionan cu tin mas necesidad, pa medio di “buurtopbouwwerkers” pa contribui na mehoramento di calidad di bida di habitantenan di e bario y asina indirectamente por reduci violencia domestico y relasional.
  • Establece gradualmente un team multifunshonal cu ta ehecuta un plan integral pa desaroyo di e 12 barionan identifica cu ta encera educacion, deporte, cultura, salu y cuido, mas siguridad, limpiesa pa halsa calidad di bida den e barionan. (“community building”).
  • Crea programa di inversion den e hende y su bario pa medio di centronan di bario, caminda balornan y comportacion social ta duna direccion na e ciudadano den bario.

Combati Exclusion y Isolacion Social

Desaroya un plan strategico cu ta inclui un infrastructura digital pa logra cu famianan den bario tin acceso na informacion continuo. Crea un plan strategico pa combati exclusion y isolacion social dor di introduci medidanan cu lo yuda recupera y interveni den e retraso social economico den barionan di Corsou.

II. SEKTOR di Labor y oportunidad pa Empleo

Areanan di enfoke:

  • (Re)capacitacion continuo di Esunnan cu a perde y ta busca trabou
  • Desaroya un plan continuo pa (re)capacitacion pa esunnan cu a perde y ta busca trabou, incluso esunnan mas vulnerabel di nos sociedad, p.e. hobennan, esunnan cu preparacion limita y nos grandinan.
  • Identifica y elimina obstaculonan riba mercado laboral y cerca e buscadonan di trabou cu ta stroba entrada riba mercado laboral. Identificacion y eliminacion lo ser ehecuta hunto cu ministerio di Economia.
  • Studia e relacion di funcionamento entre empresanan, ‘uitzendbureaunan’ y gobierno pa proteha e trahado y buscado di trabou na Corsou di gobernacion.
  • Haci e buscado di trabou mas competitivo (upgrade) riba mercado laboral loke ta permiti e alcansa un mayor nivel di bienestar economico y traha hunto cu ‘uitzendbureaunan’ pa mas incentivonan positivo pa buscadonan di trabou.
  • Crea un database nacional di vacatura (vakature bank), caminda tanto buscadonan di trabou como dunadonan di trabou por registra nan mes y caminda nan por localisa otro.
  • Desaroya un maneho enfoca riba personanan di 18 – 30 aña pa evita perdida di e capital humano hoben durante di e periodo di Covid-19.
  • Revisa, ahusta, fortifica y haci nos leinan laboral mas flexibel, na beneficio di tanto empleadonan como dunadonan di trabou.

Revisa ley di onderstand

  • Revisa, ahusta, fortifica y haci nos ley di onderstand mas flexibel .
  • Desaroya proyectonan educativo y di recapacitacion pa bolbe integra esunnan cu

ta biba di onderstand den e circuito productivo pa nan por provee den nan necesidadnan

basico y asina gradualmente reduci onderstand.

  • Optimalisa e proceso di haya onderstand pa evita cu caminda ayudo mester yega esaki ta tarda na yega na e ciudadano den necesidad.
  • Inventarisa, identifica y registra e grupo di personanan cu no por forma parti di mercado laboral i studia e posibilidad pa bini cu un ley caminda cu e grupo aki por ricibi un compensacion pa por mantene nan necesidad.
  • Desaroya un plan structural cu ta encera (re)capacitacion continuo pa esunnan registra cu a perde trabou y esunnan cu ta busca trabou hunto cu e Ministerio di Economia.

Reduci Desempleo bou di Hobennan

  • Optimalisa implementacion di e lei di Bion pa asina motiva mas dunado di trabou pa tuma hobennan desemplea entre 18 pa 30 aña na trabou.
  • En cooperacion cu ministerio di Enseñansa, Siensia, Cultura y Deporte crea posibilidad pa hobennan desemplea entre 18 pa 30 aña, pa nan haci ‘omscholing’ pa funcionnan cu tin necesidad segun mercado laboral.
  • Introduci un “job programa” cu lo ser inicia specialmente pa hobennan entre 18 pa 30 aña, caminda nan ta haya capacitacion riba tereno di habilidad social (sociale vaardigheden), etica di trabou (beroepshouding en ethiek), pa haci nan mas competitivo pa haya trabou.
  • Stimula “entrepreneurship” bou di hobennan y adultonan dor di percura pa nan ricibi informacion y capacitacion pa nan bira mas independiente, cuminsando cu un grupo di ± 20 persona.
  • Ehecuta un maneho, hunto cu ministerio di Economia pa crea oportunidad pa hobennan entre 18 y 30 aña por haya trabou y reduci desempleo bou di hobennan

Personanan cu Limitacion Fisico

  • Stimula empresanan y dunadonan di trabou pa reserva cuponan di trabou pa personanan cu limitacion fisico.
  • Crea oportunidad pa personanan cu limitacion fisico por drenta proceso laboral

(Re)integracion den Mercado Laboral

  • Introduci un programa structural y social pa personanan cu mester (re)integra den e mercado laboral cu tin un carchi di castigo hunto cu Ministerio di Economia y Ministerio di Husticia (reclassering) y asina reduci cantidad di recidivismo.
  • Pa e hobennan cu ta den prizon cuminsa un trayecto di coach pa inventarisa ki habilidad, educacion nan tin pa traha un programa di (re)integracion riba e mercado laboral.

Leynan Laboral

  • Fortifica y/of renoba e relacion entre SOAW y dunadonan di trabou, caminda nan ta reuni regularmente pa intercambio tocante di empleo y labor. E dunadonan di trabou tambe lo tin participacion den desaroyo di maneho laboral.
  • Studia posibilidad pa revisa y haci leynan laboral mas flexibel. Leynan cu ta duna empleadonan cu tin yiu cu ta sigui enseñansa basico mas tempo pa nan yiunan.
  • Introduci y/of adapta gradualmente leynan laboral cu ta proteha trahadonan den periodo di crisis.

 

LEAVE A REPLY

Please enter your comment!
Please enter your name here