(JamaicaObserver) – Jamaica a registra casi un miyon bishitante di exterior desde cu a habri porta atrobe pa turismo na juni 2020, asina ministro encarga cu turismo, Edmund Bartlett a divulga.

Di acuerdo cu e ministro, un total di 816.632 turista a bishita e isla desde 14 di juni 2020, cu 510.00 di nan, 62% di e total, yegando na Jamaica e aña aki. Bartlett a indica tambe cu e yegadanan aki di e periodo di un aña a trece ingreso di US$1,312 biyon, di cual US$97,58 miyon lo a bay directamente pa gobierno.

E ingresonan aki ta reparti di e siguiente manera: US$1,2 biyon na gasto haci pa turista; US$28,5 miyon na impuesto di salida; US$19,5 miyon na cobranza na pasahero; US$16,3 miyon na impuesto di pasahero di aerolinea y US$8,5 miyon na impuesto riba camber di hotel.

Bartlett a bisa cu entre e factornan principal cu a contribui na e logronan ta e pais su indice di infeccion di 0,6 porciento dentro di e asina yama ‘Resilient Corridors’ cu a sobresali como e “e bubble mas excepcional na cualkier parti di mundo”.

E corridornan a inclui e costa di Negril te Port Antonio (Corridor Costa nort) y di Milk River te Negril (Corridor Costa Sur). Solamente negoshi dentro di e corridor cu a haya training y evaluacion pa cumplimento cu protocolnan di Covid-19 a haya permiso pa habri pa turista.

Turismo na Jamaica a yega na alrededor di 3 miyon na 2019. Den e proximo dos aña gobierno di Jamaica ta anticipa desaroyo di mas di 6.700 camber nobo, y 20.000 cupo di trabao nobo, part-time y full-time, cu un inversion di US$1,5 biyon den turismo.

Bartlett a indica cu Jamaica a surgi como un lider mundial den desaroyo di respuesta innovativo pa e pandemia, guiando e reapartura di e sector na un manera sigur.

LEAVE A REPLY

Please enter your comment!
Please enter your name here