Si no ta wordo presenta niun imprevisto, Misa Birgen di Fatima lo celebra su prome misa di Aurora, totalmente renoba. Asina e pastoor di e parokia aki di Dakota, pader Daniel Szpila a informa na e parokianonan durante celebracion di Santo Sacrificio di Misa na Spaño, ayera mainta.
E religioso a bisa cu e misa ta wordo ‘bisti di novia’ cu su renobacion nobo. Un novedad di e renobacion aki ta cu e misa lo ta full airco. Ya caba Elmar a keur e sistema electrico y unico cu falta ta cu nan ta start e coriente. Actualmente nan ta verf e misa y e siman aki nan lo cuminsa condiciona paden.
E trabou renobacion aki a tuma mas cu tres luna cu tabata e periodo plania inicialmente. E tabata plania pa celebra e prome misa dia 8 di december, pero e fecha a wordo posponi tentativo pa diasabra awor den cuadro di e prome misa di Aurora.
