Agencia Espacial di Emirato Arabe Uni (UAE) y Centro Espacial Mohammed Bin Rashid a anuncia e transferencia sigur di e astronave Mars Hope pa su lansamento na Tanegashima Space Centre.
A conduci e transferencia den un operacion di 83 ora treci dilanti for di su fecha programa na mei, pa motibo di restriccion di biahe y movemento imponi pa esfuersonan internacional pa contene e impacto di Covid-19. Mision Mars di Emirato, nombra ‘The Hope Probe’, ta e prome exploracion interplanetario di un nacion Arabe.
“Nos ta na caminda pa un lansamento na juli awo”, segun lider di mision EMM, Omran Sharaf. “Plan di mitigacion y accion trempan, hunto cu sosten di nos partner y gobierno Hapones a scapa e dia – henter e operacion tabata basicamente un careda contra tempo y Covid-19 pa sigura cu nos logra tene e astronave na Tanegashima cla pa su bentana di lansamento na juli/augustus na Mars.”
Un team di ingeniero a biaha na Tanegashima dos siman prome cu e transferencia trempan di e investigacion pa asina pasa cuarentena na tempo pa ricibi e pakete na su yegada. Un segundo team di ingeniero cu a compaña e astronave awo ta den cuarentena, y programa pa ta cla pa testnan final y preparacion di e astronave pa lansamento riba un raket Mitsubishi MH2A.
E operacion di transferencia a mira un Antonov 124 heavy lifter hiba e astronave den un container specialisa cu control di atmosfera y temperatura for di Maktoum International Airport na UAE, na Chubu Centrair International Airport na Nagoya, Hapon. Despues a pone e astronave riba un flete marina, hiba na Shimana Seaport na Tanegashima, y despues transferi anochi na e sitio di lansamento.
A concebi e mision Marsiano di UAE pa afecta y acelera e desaroyo di sector espacial di UAE, educacion, y comunidad cientifico. Lidera pa MBRSC bou supervision di Agencia Espacial di UAW, e mision lo manda e Mars Hope probe pa orbita na Mars na februari 2021. Hope tin meta di construi e prome imagen completo di clima na Mars a traves di e aña Marsiano.
EMM y Hope probe ta culminacion di un esfuerso di transferencia di conocemento y desaroyo cu a cuminsa na 2006, cu a mira ingenieronan Emirati trahado cu partnernan rond mundo pa desaroya capacidad di diseño, ingenieria y fabricacion di astronave di UAE. E astronave a wordo nombra como un simbolo di speransa pa tur hubentud Arabe.
