E monumento aki cu a wordo construi na altura di cas di Gobernador ta uno masha aprecia y balora, y no solamente pa su concepto y diseño artistico y simbolico. E obra aki ta haci un homenahe masha mereci na e feliz memoria di nos piscadonan cu a sali riba lama y nunca mas nan a bolbe, lagando un gran bashi cerca na famianan y sernan keri.
Pero e monumento aki cu ta honra nan memoria pa no bay perdi ta sufriendo di e malesa cu otro obranan publico ta sufriendo di dje: Falta di mantencion. Ta un lastima cu e monumento aki cu a wordo construi no mucho tempo pasa a cuminsa deteriora y nada ta wordo haci pa mantene su bunitesa y pe no bay perdi.
