Banco Central: Publicacion di “Operational Report 2015”

27juliNG BCA.jpg

Banco Central di Aruba (BCA) ta publica awe su Operational Report 2015. Den e  rapport anual aki BCA ta relata riba diferente tereno di maneho manera esun monetario y di supervision, riba su obhetivo strategico, como tambe riba su actividadnan operacional principal relaciona cu su mandato manera stipula den e Ordenansa di Banco Central (AB 1991, no. GT 31). Adicionalmente, informacion financiero relaciona cu e operacionnan di BCA ta  inclui. E rapport tambe ta duna un bista cortico riba e desaroyonan mas importante den e sector financiero di Aruba durante 2015. 

 

E posicion financiero di BCA a permanece sano na 2015. Mester menciona sin embargo cu e entradanan relativamente abou for di e portofolio di inversion di BCA a keda un desafio den 2015, debi na e tasa di interes extremadamente abou den e mercado financiero Mericano. No obstante e situacion aki, e resultado netto di BCA a subi un poco  te cu 3.3 florin miyon na 2015 (2014: 2.3 florin miyon), impulsa primordialmente pa e entradanan procedente di e  introduccion di e Ordenansa Compensacion riba Margen di Cambio di Divisa (AB 2014, no. 57) desde dia 1 di april 2015. Di otro banda, e gastonan di BCA a crece moderadamente como resultado di e maneho estricto di gastonan cu CBA ta aplica. 

 

Un logro importante pa BCA den 2015 tabata e desaroyo di su plan strategico “Bela Yen: Nos Plan Strategico 2016-2020” (Bela Yen). E cuadro den cual BCA ta opera ta birando mas y mas  dinamico y compleho,  cual ta rekeri un enfoke strategico pa maneha e diferente riesgo y retonan efectivamente, tanto interno y domestico, como tambe internacional.

 

En bista di e desaroyo economico modera, inflacion abou y nivel di divisa adecua, e Comision di Maneho Monetario (CMM) di BCA  a dicidi di mantene e tasa di “reserve requirement”, cual ta e herment principal pa conduci maneho monetario, como tambe e tasa “advance rate”,  na 11.0 porciento y 1.0 porciento, respectivamente, durante 5 reunion teni na 2015.

 

E sector financiero di Aruba a keda solido y sumamente resistente pa shocknan externo den 2015. Ehecucion estricto y consistente di e leynan y regulacionnan di supervision durante e transcurso di añanan a contribui na mantene un sistema financiero  stabiel, di reputacion halto, y sano.

 

E Operational Report 2015 ta disponibel for di awe riba e website di BCA  www.cbaruba.org.

You May Also Like

Algun scol no ta meld casonan di maltrato of abuso

Bon Dia Aruba a constata cu algun scol no ta meld casonan di maltrato ...

tiramento olde molen

Polis: tiramento nada di haber cu ora di cera Olde Molen

E tiramento na Olde Molen a trece cu hopi a cuestiona e orario laat cu e luga ...

24PeticionTereno.jpg

Peticion tereno cu firma minister por bay mas lihe pero no tin garantia

Un peticion pa tereno cu ta drenta Departamento di Infrastructura y Planificacion (DIP) via ...

22Jun, JO, Idioma.jpg

”Parti di idioma ta keda afecta resultado di alumnonan na scol”

Minister  di Enseñanza, Michelle Hooyboer-Winklaar ta splica Bon Dia  cu en berdad idioma ta hunga ...

6oct fondo tram y museo.jpg

Turistanan di crucero lo paga 1 dollar destina pa Arutram y dos museo

ORANJESTAD – Por medio di e tax cu e turistanan crucero mester paga na ...