Movemento “Defendamos la Paz”, di e cual miembronan di sociedad civil y ex-negociante di guerrilla di FARC y ELN ta forma parti, ayera diahuebs nan a expresa e speransa cu nan tin cu e nobo presidente di Merca, Joe Biden pa fortalece e apoyo pa e paz di Colombia.

“Nos kier manifesta nos speransa pa cu e nobo Administracion aki lo fortalece e apoyo pa implementacion integral di acuerdo di paz, pa proteccion di bida di ex-combatientenan y di esunnan cu a defende derechonan humano” nan a expresa den un carta dirigi pa presidente Biden y vice-presidente Kamala Harris.

Despues di recorda cu gobierno democrata di Barack Obama “ a contribui significativamente” pa exito di acuerdo di paz firma na november di 2016, e firmantenan a denuncia cu e implementacion di e pacto a haya “varios obstaculo den temponan di Administracion di presidente Ivan Duque na Colombia, y ex-presidente di Merca Donald Trump”.

“Gran parti di loke a acorda no a wordo implementa, mientras cu otro aspectonan ta tumando luga hopi slow, cu poco recursonan, of incluyendo den mey dificultadnan presidencial, como e caso di e sistema pa garantisa e derechonan di e victimanan y Huridisccion Special pa Paz (JEP)”, nan a manifesta.

Defendamos la Paz tambe ta expresa su preocupacion pa asesinato di esunnan cu a desmobilisa di guerrilla, cu segun un ultimo rapport di Mision di Paz di Nacionnan Uni ta di 248 entre 2016 y 2020.

Tambe nan ta bisa cu “distinto fuente autorisa ta documenta e asesinato di mas di 1.000 lider comunitario principalmente den teritorio na unda Estado mester a haci presencia cu programanan di paz”.

Pa tur esaki, nan ta bisa pa Biden y Harris cu nan ta confia cu nan Administracion lo fortalece e apoyo pa paz, asina como tambe “institucionnan cu ta dedica na derechonan di e victimanan di conflicto arma y di e pueblonan etnico”.

LEAVE A REPLY

Please enter your comment!
Please enter your name here