(NationalPost) – Un muhe di Toronto a usa su yiu homber pa yuda trafica 3.5 kilogram di cocaina for di Aruba pa Canada, y a keda sentencia cu 3.5 aña den prison pa un hues di Ontario. E ta pidiendo “algun manera di libertad trempan” pa e por cuida su dos yiu.

Dia 6 di november 2019, autoridadnan na Aeropuerto Internacional Toronto Pearson a gara Cassandra Gordon cu dos kilogram di cocaina pega na su curpa; su yiu di 12 aña tabatin 1.5 kilogram pega na dje, segun un decision recien di Corte Superior di Husticia di Ontario.

“Mientras denuncia y disuacion mester predomina, rehabilitacion ta un principio di importancia clave pa Sra. Gordon. Cualkier sentencia imponi, pa motibo di circunstancianan di Sra. Gordon, su status como prome ofensa, y ta e mama di dos mucha homber, mester pone atencion riba rehabilitacion,” hues David Harris a skirbi.

Un hurado a haya Gordon, 34, culpable di importa cocaina for di Aruba pa Canada, rechasando su defensa di coercion, segun e decision fecha 28 di april. “E corona ta pidi pa siete aña di prison,” a bisa. “Defensa ta argumenta pa tres aña.”

Su yiu homber cu a ser usa pa trafica cocaina no a testigua na e huicio.

“Mi a haya den un veredicto bottom-line despues di e hallazgo di culpabilidad cu Sra. Gordon tabata responsable pa e cocaina carga pa su yiu homber tambe,” segun e hues. “E base pa e hallazgo aki tabata, den bista di nan edad respectivo y nan relacion como mama y yiu, tabata Sra. Gordon kende tabata e mente director tras di e importacion aki. A proba sin duda rasonable cu e tabata e director principal den posesion di su yiu.”

Usa su yiu pa importa cocaina tabata “un factor agravante substancial,” Harris a bisa. “Ta deplorable cu Sra. Gordon a usa su yiu di e manera aki pa facilita e plan di importacion. E ta aumenta significantemente su responsabilidad moral.”

E mama a bisa cu el a haya su mes obliga pa trafica e cocaina den Canada. “E evidencia di Sra. Gordon di coercion y menasa haci contra dje y su yiu cu a conduci na e importando e cocaina tabata impreciso y no convincente,” Harris a bisa. “No tabatin sosten substancial pa su storia di ningun otro evidencia. Ademas, a aduci den e caso di e Corona cu e mainta despues di su aresto, Sra. Gordon a ricibi un mensahe di texto den su celular tocante un transferencia di 50mil [dollar Canades].”

Gordon a bisa e corte cu e mensahe tabata di un amigo cu a purba di persuadi e di comete fraude di cheque.

Gordon, kende tin herencia di Antigua y Jamaica, a nace na Toronto. E decision di corte ta bisa cu Gordon a crece den pobresa, y a haya su prome yiu tempo e tabatin 17 aña di edad.

“Tata di e mucha tabata abusivo fisica- y emocionalmente durante nan relacion cu a dura cinco aña,” segun e veredicto. E relacion a termina despues di nacemento di nan di dos yiu na 2012, y Gordon a haya custodia completo di ambos yiu.

Imagen di ilustracion.