Un advertencia a bini dialuna for di top diplomatico di lider di Noord Korea cu ‘un guera nuclear por start na cualkier momento.’ E ta un menasa grandi, emiti riba e piso di Nacionnan Uni y diseña pa inspira miedo den ciudadanonan Mericano. Esaki ta bin segun e ta bisa, despues cu Merca ta sigui insulta e dignidad di Noord Korea, preparando plan pa elimina Kim Jong Un.
Un oficial di inteligencia ta bisa cu Noord Korea ta escalando nan retorica pasobra Kim Jong Un kier armanan nuclear pa segura su regimen. Y tambe pasobra e kier algun tipo di acuerdo di seguridad cu Merca. Un di e top analistanan di CIA riba Noord Korea a sugeri cu mientras Kim por zona manera cu no ta algo serio andando, e ta hopi strategico cu su pensamentonan. Mas cu 28.000 militar Mericano ta staciona aworaki na Sur Korea. Regimen di Kim ta bisa su hendenan cu constantemente Mericanonan ta menasando nan. Pero ningun banda ta aparentemente halando atras. Luna pasa presidente Mericano Donald Trump a bisa Nacionnan Uni cu si Noord Korea ataka aliadonan di Merca: “Nos no lo tin otro opcion cu totalmente destrui Noord Korea.”
