No tin cuarentena obligatorio standart mas pa biaheronan cu ta bini Boneiro for di paisnan di riesgo halto. Esaki ta conta for di diaranson 7 di juli 2021 ultimo. Cada dos siman ta evalua tur pais relevante for di cua tin hende ta biaha pa Boneiro riba desaroyonan recien y por añadi paisnan nobo riba e lista di riesgo halto of por kita cierto pais for di e lista.
E biaheronan mester haci test si prome cu nan salida pa Boneiro y, si ta necesario, haci un test na yegada tambe. Por haya e testnan corecto riba www.bonairecrisis.org. Tambe ta pidi nan pa haci test un biaha mas cu un test di PCR riba e di 5 dia despues di nan yegada na nos isla.
E biaheronan ta firma un declaracion cu nan ta dispuesto pa haci un test di PCR riba e di 5 dia despues di nan yegada y nan ta haya un cita pa un test gratis na departamento di Salubridad Publico. Mas despues un empleado di departamento di Salubridad Publico ta tuma contacto cu e pasahero pa cord’é riba su cita. Un pasahero cu no bay haci test riba e dia palabra, por haci esey ainda cerca un otro organisacion di test riba e di 6 dia despues di su yegada. Pero e ora ey e biahero mes mester paga gasto di e test. Biaheronan cu no haci test, ta bay durante 10 dia den cuarentena na nan adres di cas of nan adres di vakantie.
