Romano tin dos aña ta fungi como reportero di e red di television TV Imperio. E la keda secuestra dialuna ultimo den oranan di anochi na e estado di Amazonico di Romaima.

E periodista brasileño a keda secuestra y e la wordo haya bek cu bida , pero cu diferente fractura na su mannan y pia dor di e golpinan cu e la ricibi dor di e personanan cu a secuestre.

E tabata na su cas cu su casa na momento cu nan a bay cu ne, su casa tambe ta un periodista y a keda den shock na momento cu e situacion a sosode. E delincuentenan a drenta den e cas cu cara tapa y tambe bon arma unda cu nan ta exigi placa y tambe cosnan di balor. na Momento cu nan no por a duna esaki nan a secuestra e periodista y a bay cu ne den su mes un auto pa asina e ta un garantia pa e famianan no mester bisa nada na e polisnan. Sinembargo despues di algun ora nan a haya e auto cu tabata bao di candela completamente riba e caminda di federal pafo di BOA Vista y e telefon tambe a keda haya pero cu tur su informacionnan saca for di dje.

E secuestradonan a mare y a tapa su cara , pero e periodista a logra keda liber prome cu nan a bin encontre, sinembargo e no a haya ningun menasa di morto , solamente e la keda maltrata severamente dor di su secuestradonan.

 

LEAVE A REPLY

Please enter your comment!
Please enter your name here