Minister Presidente Pisas durante un Relato di prensa a duna informacion riba e reunion di conseho di Minister di Reino(RMR) cu a tuma luga na Den Haag, Hulanda. Riba agenda tabata tin e peticion di desviacion di RFT pa loke ta nos presupuesto y tambe e nota di cambio(NvW) di Rijkswet COHO.
Dia 17 di december 2021 Gobierno di Corsou a saca un comunicado caminda e la indica e motibo cu no tabatin un decision den Conseho di Minister di Reino. Esaki ta considerando cu no tabatin un acuerdo politico riba e nota di cambio. A pone esaki riba agenda y mara esaki na condicion na e sosten di likides.
Den e comunicado aki tin pone literalmente; nos no por duna un compromiso politico sin bay parlamento di e islanan pa haña sintimento di parlamento riba e nota di cambio (NvW).
Mirando e decision den RMR caminda a atende e nota di cambio y yega na acuerdo politico ta nifica cu gobierno a duna un compromiso politico tog, sin bini parlamento. E accion aki di parti di gobierno nos ta lamenta pa e echo cu gobierno ta tuma un decision importante pa nos pais sin consulta cu parlamento caminda pueblo tambe ta sa.
E mesun partido y persona cu awe ta minister presidente tabata reclama dia e tabatin e funcion di parlamentario cu e gobierno anterior tabata sconde documento, sconde COHO pa asina pueblo no tuma nota di e contenido. Awe cu e ta den e posesion di prome minister, ta indica cu e no por tuma decision sin bini parlamento y despues di 2 siman ta actua totalmente diferente. Pues, gobierno a yega na un acuerdo politico riba e nota di cambio sin bini parlamento. Ta ken minister presidente kier tuma haci?
