(Yahoo) – Diahuebs ultimo, personal medico di Instituto Mexicano di Seguro Social (IMSS) a confirma e prome caso di e malesa ‘murcomicosis’ diagnostica na teritorio nacional, e mesun cu mundialmente ta conoci como “hongo negro”.

 

Ta trata di un hoben di 34 aña cu ta yama Gregorio Avendaño Jimenez, ken a supera Covid-19 sin presenta sintomanan grave y den cual a detecta e infeccion aki, dianan despues el a drenta na emergencia di Hospital General di Zona 71, ubica na localidad di Chalco, Estado di Mexico.

Di acuerdo cu e corant Milenio, dia 10 di mei Avendaño a realisa un prueba PCR pa wak si el a haya coronavirus, esey a sali positivo, y el a logra recupera for di cas. Pa dia 26 di e mesun luna, e homber a experimenta paralisis na su cara y otro sintomanan, cu despues mester a wordo interna na centro e medico menciona un biaha mas.

E ruman di Gregorio, Angel Avendaño, tambe a menciona cu el a presenta un blauw na su wowo di banda robes cu despues a expande den henter su cara, despues di estudionan e dokter a confirma cu e pashent ta sufri di murcomicosis of “hongo negro”.

E hoben ta cu estado di salud grave y no a mustra un mehoracion, pa loke autoridadnan di salud a informa cu el a wordo transporta na otro hospital na capital di e pais na unda lo ricibi atencion medico specialisa.

“Hongo negro” ta un micro-organismo cu ta produci un infeccion cu por ta mortal, recientemente a wordo haya na India tambe, na unda ta presenta den pashentnan cu a haya covid-19.

Te momentonan aki, tres pais di Latino America ta registra e unico 3 diagnostico positivo di e malesa aki cu tambe ta afecta esunnan cu a sufri di covid, e prome tabata di Chile, despues Uruguay, ambos a wordo anuncia siman pasa y awor Mexico a uni na e lista cu e caso di Gregorio.

E hongo aki ta capaz di multiplica su mes den organismo na un ritmo hopi lihe, destruyendo e bloedvat, tehido di pulmon y tambe e wowonan. A pesar cu e cifra ta hopi abao, varios estudio ta afirma cu su mortalidad ta estableci na un 50% den conhunto cu coronavirus y e letalidad ta aumenta notablemente.

LEAVE A REPLY

Please enter your comment!
Please enter your name here