E trabaonan di Kustwacht pa Aruba y e islanan den Caribe ta hopi esencial y di hopi importante. E trabao ta pa tene e pais safe conhuntamente cu e partnernan cu tambe ta di hopi importancia pa e trabao keda haci. E partnernan cu ta traha hunto cu Kustwacht ta cuerpo policial di Aruba, Aduana y Guarda Nos Costa cu ta traha den colaboracion cu otro pa asina tene e isla proteha den tur sentido na e fronteranan.

Sinembargo no ta e grupo aki so ta e parteranan cu ta traha hunto cu Kustawacht , pero tin mas cu ta traha conhuntamente, pero esunnan mas den practica cu ta traha na momento di e sosedido hunto cu kustwacht ta cuerpo policial, Aduana y Guarda Nos Costa pa asina nada ilegal drenta Aruba. Na momento cu ta trata di cosnan ilegal por pensa riba mercancianan di contrabanda cu ta drenta ilegal manera droga of arma cu ta mercancianan cu no ta drenta Aruba cu e bon intencion. Segun Vocero di Kustwacht Shalick Clement na momento cu arma y droga drenta Aruba ta cu intencionnan malo y Kustwacht kier proteha semper habitantenan di Aruba pa nan biba safe.

Banda di e trabao aki tambe loke ta hopi importante ta cu Kustwacht tin e tarea di buskeda y rescate riba lama. Esaki ta un situacion cu den ultimo dianan tabatin algun caso tristo caminda cu piscadornan a perde riba lama. E ta un situacion hopi fastioso unda cu famianan ta keda cu speransa y e tristesa cu nan famia no ta bini bek. Pesey mes e trabao ta un trabao hopi importante y hopi intensivo mirando cu e famianan ta confia den bo pa por trece nan famia cas bek.

Sinembargo loke cu ta resalta cu hopi cu hopi biaha piscadonan ta subi lama y nan no ta bay prepara unda cu no ta bay cu suficiente awa , cuminda, salbabida , no tin radio pa comunica riba lama pa por yama auxilio na tempo pa asina nan por keda haya na tempo. Tambe loke ta experencia hopi biaha ta cu e piscado ta bisa cu nan ta bay un localidad pero despues ta resulta cu nan ta bay un otro localidad sin menciona of sin notifica ningun hende, sinembargo esaki tin su peliger cu ne debi cu na momento cu perde ningun hende no sa unda nan ta y consecuencia di esaki ta cu no sa tampoco na unda mester busca. Segun vocero di Kustwacht su recomendacion ta pa keda semper den comunicacion cu un famia pa nan sa unda nan ta y nan situacion cu na e momento ey ta riba lama.

Tambe Kustwacht tin e tarea di Aduana riba lama unda cu mester controla documentonan di entrada y salida , mercancianan cu mester paga impuesto pa asina por drenta di un forma legal Aruba.

Vocero di Kustwacht ta duna di conoce cu ta di sumo importancia cu tanto nan como Kustwacht, Cuerpo policial, Aduana y Gyarda Nos Costa traha hunto pa un solo meta, Pais Aruba. Traha mas conhuntamente ta mas cu un wowo y conocemento hunto cu por traha pa un solo meta. Union ta haci forsa y si traha hunto den e cadena hudicial conhuntamente ta proteha e isla y esey ta esencial pa e habitantenan di Aruba tambe. Ta di suma importancia pa e colaboracion entre Kustwacht hunto cu Cuerpo Policial di Aruba, Aduana y Guarda Nos Costa y tambe e otro parthernan cu tin pa por logra mantene e isla safe. E departamentonan actualmente ta trahando hunto y e ta funcionando , pero mester bisa cu tin mas espacio pa mehoracion traha mas conhuntamebte, tin mas confiansa y kita tur e drempelnan pa por traha mas estrecho hunto y si tin algun dolor aki aya lo mester acerca otro y papia riba e situacion y pasa over di dje pa por tin un miho laso cu otro pa un solometa cu ta meta di cada un di e parthernan aki cu ta Aruba. E meta final y mas importante ta pa tene e fronteranan y e isla safe pa asina e habitantenan di Aruba por biba dushi.