(AP) – Netflix a perde casi 1 miyon di su usuarionan pa causa di competencianan y inflacion cu ta poniendo presion riba presupuesto di varios famia, cual ta un hecho cu ta aumentando e urgencia pa lansa un opcion mas accesibel cu interupcionnan comercial.
E disminucion di 970,000 usuario anuncia riba diamars como parti di Netflix su reportahe pa e di dos kwartal, ta e perdida mas grandi cu e companai a mira den su historia di 25 aña. Aunke cu esaki por a ta pio, considerando cu maneho di Netflix a premira cu lo perde mas o menos 2 miyon usuario durante e di dos kwartal.
Netflix a sufri un perdida menos grandi danki na e popularidad actual di “Stranger Things,” e serie cu a haci su debut den aña 2016. Despues di a lansa e serie su di 4 temporada den mey, Netflix a bisa cu e usuarionan a mira un total di 1.3 biyon ora durante e siguiente 4 simannan, mas di cualkier serie den e servicio su historia.
E perdida menos severo aki di usuarionan combina cu e hecho cu ta premira cu lo mira un crecimento den e periodo di juli-september a yuda mehora Netflix su bienes cu 7% den e mercado desde cu e cifranan aki a ser publica.
Co-CEO di Netflix Reed Hastings no a purba di haci cosnan mustra miho di loke nan ta riba diamars su conferencia tocante e resultadonan. “E ta algo fuerte pa perde 1 miyon usuario y toch yama esaki un exito,” el a bisa.
E compania su disminucion a bini despues di a perde 200,000 usuario e temporada anterior, marcando e prome biaha cu e servicio a perde usuario consecutivamente desde cu e compania a transiciona su servicio online 15 aña pasa.
