(DutchNews) – Proveedor di servicio di pelicula online Netflix ta subiendo nan prijs pa prome biaha den cuatro aña, pero esaki lo tuma efecto solamente den Hulanda.

E prijs di subscripcion standard lo aumenta cu 3 Euro pa luna, na un suma total di 13,99 euro y e servicio premium, cual ta permiti varios persona haci uso di e cuenta lo aumenta cu 2 euro. E deal basico, cual ta permiti pa un solo persona haci uso di e cuenta lo keda na 7,99 euro “pa tur hende por haci uso di nos servicio” Netflix a declara.

E compania a informa cu nan lo manda un alerta na su 2.2 miyon usuario na Hulanda tocante e prijsnan nobo 30 dia prome cu esaki cuminsa tuma efecto.

Netflix a lansa na Hulanda den ana 2013, y desde e aña aki varios otro servicio similar a cuminsa drenta mercado tambe. Otro aña, HBO lo lansa su servicio di pelicula online HBO Max na Hulanda, mientras cu e servicio di Suecia, Swedish Viaplay lo cuminsa cu eventonan di deporte manera Formula 1 y England’s Premier League Football.

LEAVE A REPLY

Please enter your comment!
Please enter your name here