(AP) – Reina Elizabeth II aparentemente a critica e falta di accion global pa cu e cambio di clima den comentarionan capta pa un microphone.

E Monarca Britanico di 95 aña a ser graba riba un telefon mientras cu e tabata bishitando Cardiff pa habri e parlamento Welsh riba diahuebs.

A yega un punto, unda cu e tabata papiando cu su nuera Camila, e Dukesa di Cornwall, y oficial di parlamento Elin Jones, y el a ser capta ta bisa “mi ta tendiendo hopi di COP… te ainda mi no sa kende tur lo bin.”

Den e grabacion, aunke tin varios parti cu no ta comprendibel, pero por tende e Reina ta bisa e ta “irritante” y “nan ta papia, pero nan no ta haci.”

E Reina tin den plan ricibi e lidernan di rond mundo na COP26, un conferencia di Nacionnan Uni cu lo tuma luga na Glasgow, Scotland fin di luna pa trata e topico di cambio di clima. Varios cabesante di estado y gobierno incluyendo China su Xi Jinping, no a confirma si nan lo atende e reunion of no.

Un minister di gobierno, Secretario di Transport Grant Shapps, a bisa cu e Reina su comentarionan no tabata pa grabacion ni pa publico tende.

“Mi ta kere cu comentarionan haci den priva, mester keda den priva, pero nos tur ta comparti e deseo di mira progreso, y nos sa cu lo tin shen di lider ta reuni na Glasgow pa COP,” el a conta Sky News.

Den Britania su monarkia constitucional, e Reina mester ta prome cu politica, y den poco ocasion y situacion ta expresa su opinionnan publicamente.

Su yiu y heredero di e trono, Prins Charles, na contrario di su mama, tin hopi tempo siendo vocal tocante su opinion pa cu e problemanan di medio ambiente. Y Charles su yiu Prins William tambe a yega di papia publicamente tocante e topico, papiando tocante su sosten na e Earthshot Prize pa innovacion den e medio ambiente cu lo ser entrega riba diadomingo.

Den un enreista cu BBC su programacion riba diahuebs, William a critica e turismo den espacio, bisando cu e mentenan mas grandi y sabi di mundo mester enfoca riba soluciona e problemanan riba planeta tera prome.

Su comentario a bini un dia despues cu e ex-actor di “Star Trek” William Shatner di 90 aña, a bira e homber di edad mas halto cu a yega di bul bay espacio, den un rocket funda pa fundador di Amazon Jeff Bezos.

LEAVE A REPLY

Please enter your comment!
Please enter your name here