Un drone di polis lo vigila e celebracion di visepera di aña nobo na New York’s Times Square.
Mas o menos 7 mil polis lo ta riba pia di trabou pa e fiesta visepera di aña nobo na Times Square, incluyendo teamnan contra terorismo cu armanan largo y cachonan pa asina detecta bom. Autonan di polis y trucknan di saneamento yena cu tera lo ta para den posicion pa asina para cualkier vehiculo cu lo tin intencion di pasa den e multitud di hende.
Ta pa prome biaha cu polis ta envolvi un drone den e plan di e evento grandi aki cual lo yudanan mantene un extra wowo riba e hendenan y e anfitrion di e anochi aki safe cual ta Ryan Seacrest.
Sobre tur cos ta e quadcopter cu ta wordo controla lo duna e oficialnan un vision unico y di cualkier caos cu por tuma luga. Polisnan tambe ta probechando di e tecnologia nobo pa asina detecta otro dronenan cu no ta autorisa pa bula den e zona aki.
Esaki lo duna nos un ayudo visual y e flexibilidad di por move un camara pa un luga determina cu un rapidez grandi door di un multitud di hende”, e hefe di inteligencia y contra terorismo John Miller a bisa.
Alcalde Bill de Blasio a bisa diabierna ultimo cu e ciudad ta sperando mas o menos 2 miyon hende na Times Square pa e caida di e bala.
