Diestres hoben a keda deteni pa polis di Nicaragua ayera, ora nan tabata purba di hiba awa pa 11 muhe, mama di ‘presonan politico’ cu ta permanece den welga di hamber.
E grupo, componi pa studiantenan universitario cu ya tabata preso anteriormente pa protesta contra presidente Daniel Ortega, a keda deteni na e ciudad di Masaya y a ser hiba na Managua ayera den oranan di marduga.
E aresto a produci den marco di e crisis socio politico cu desde 18 di april di 2018 a laga centenares di persona deteni, morto y desaparecido, como tambe miles de herido, den e protestanan contra Ortega.
E luga na unda e grupo ta te ayera tabata desconoci, ya cu polis di Nicaragua no ta duna informacion riba presonan politico.
Ayera mainta, famia di e grupo universitario tabata bishita e prizon di ‘Chipote’, luga na unda e presonan politico ta bay y cu a ser denuncia como un centro di tortura di polis di Nicaragua.
A captura e hobennan mientras nan tabata purba di manda bakinan cu awa pa un cantidad di 15 persona, entre nan 11 muhe den welga di hamber, poni pa polis Nacional den e parokia di San Miguel, cu oranan prome, Gobierno a kita coriente y servicio di awa potabel.
Te ayera na mainta tampoco tabatin noticia di e hende cu ta cera den e parokia, cu a denuncia intimidacion di polis, ya cu nan no por sigui duna informacion for di paden, ta parce cu e bateria di nan telefon a caba.
Entre e hende cu tabata den interior di misa ta e periodista cu a sali for di prizon, Marlon Powell; defensor di derechonan humano Yonarqui Martinez, conoci como e abogado di e presonan politico; y e pastoor Edwing Roman, kende a salba varios persona ora el a habri e portanan di e misa durante atakenan arma di Gobierno do 2018.
