‘No tin niun discusion aworaki riba kitamento di PG’

dowers alocacion fondo.jpg

 

9mrt, JM, Dowers.JPG
Minister di Husticia, Arthur Dowers

Minister  di Husticia, Arthur Dowers a nenga rotundamente cu decision a cay pa kita of move Procurador General di su  funcion como hefe di Ministerio Publico.

Cualkier rumor of informacion rond di e topico aki no ta cuadra cu berdad.  “Absolutamente cu no”,  e mandatario a declara na Bon Dia Aruba.

Minister Dowers a bisa cu kitamento di un PG ta un proceso cu no por cana nunca asina cu nan por kita un funcionario for di decision tuma den conseho di minister. “Bo no por djis, mescos cu otro ambtenaar, y bisa cu esaki nos a dicidi den Ministerraad y retira un ambtenaar.”

E mandatario splica cu esaki ta un proceso bon institui pa ley riba kico ta e modo y na ki momento por yega na un conclusion di kita un PG. E ta agrega cu e por imagina, considerando cierto hendenan, con nan ta agita y protesta contra Ministerio Publico.

Mas fiscal
Segun  minister Dowers- nan a percura pa OM  por funciona optimal. Actualmente a bin cu e di 8 fiscal cu ta e fiscal cu a wordo agrega na e team, ya cu e team aki ta forma parti di e plan di maneho of plataforma nobo riba tereno di husticia “veiligheidshuis”, presenta oficialmente diahuebs ultimo.

Minister Dowers a laga sa cu nan lo sigui den e direccion cu nan ta bayendo y nan ta sumamente positivo cu e trabou cu ta wordo haci den OM. E ta reconoce cu sigur tin espacio pa drecha no solamente den OM, sino den tur departamento. “Di esey tambe nos ta consciente y nos a constata tambe den nos plan di maneho.”

 

You May Also Like

30mrt, NW, curpa sin bida (1).jpg

Curpa di un homber sin bida haya patras di Nanki

Diamars merdia den careda di 1:55 patruya ta wordo manda patras di Nanki na ...

Biblioteca Nacional ta sigui enfoca riba educacion berde

Green Education Symposium ta hayando anualmente mas acogida. E aña aki tabata e di ...

Trampolin pa trabou ta pa esnan cu di berdad kier bay traha

ORANJESTAD – Un guia ta importante pa personanan cu limitacion ora di bay traha. ...

Futuro insigur pa academia di arte cu stop di subsidio

Aunke gobierno no a pone un stop na e idea pa un academia manera ...

Departamento di Aduana ta splica ariba e proceso di ‘Vrijmaking’

Vocero Departamento di Aduana Marilyn Wout a reuni hunto cu mas miembronan pa duna ...

IMG_4928.jpg

Garage Cordia ta entrega Yaris Hatchback na Bon Dia Aruba

E siman aki Caribbean Speed Printers tabata tin e honor di ricibi nan Toyota Yaris Hatchback ...