Nos grandinan a disfruta di actividad di Pasco Grandi


Anticipando e celebracion di Pasco Grandi, Minister di Salud Publico, Cuido di nos Grandinan y Deporte, dr. Carlos “Alex” Schwengle a sorprende tur hende na San Pedro De Verona, St. Michael Paviljoen, Centro di Cuido San Nicolas y Maris Stella na Savaneta cu un dushi bolo pa asina nos grandinan por disfruta durante e dianan aki di fiesta.

Coordinador di SABA Playa, Ivy Goeloe a remarca cu nan ta hopi orguyoso di a haya esaki. Diaranson e dia a bay hopi bon y nan tabatin actividad di egg hunt na San Pedro De Verona y grandinan a gusta esey hopi. Dos di e grandinan a gana premio y nan a keda masha contento cu esey. Diahuebs na St. Michael Paviljoen tabatin actividad di egg hunt y e cuidadonan di nos grandinan a canta cu nan y pasa un rato placentero. “E bolo a wordo corta pa nan diahuebs”, Ivy Goeloe a conta.

Asina diahuebs tambe a sigui e celebracion na Centro di Cuido na San Nicolas, unda Guchi Dancers a baila pa nos grandinan, den compania di “mama” y “reina” di cultura. E evento a tuma luga den e sala “Nos Neishi”, cu mayoria di e 50 clientenan presente. Claro cu e bolo a cay den masha bon tera y a pas net cu e celebracion. Na Maris Stella tambe a tuma e bolo cu brasanan habri, pendiente pa nan celebracion diadomingo riba Pasco Grandi.

“Ta mi intencion di sigui haci e bishitanan aki. Nos a inverti hopi den infrastructura pa nos grandinan y nos tin hopi mas pa inverti tambe. E intencion ta pa promove mas independencia den nan cuido, unda nan por keda den casnan isola, pero riba tereno di e casnan di cuido, cu ayudantenan cerca pa duna nan un man”, asina Minister dr. Alex Schwengle a duna di conoce. “E bolo, aunke tin un poco sucu aden, ta net pa e celebracion. Leu a leu mester por, no hopi si”, e mandatario a termina bisando cu un sonrisa riba su cara.

You May Also Like

ahata.jpg

Ainda AHATA no a manda su candidatonan pa hunta di supervision di ATA

Te ainda e relacion entre AHATA y ministerio di Turismo no a wordo drecha; ...

FTA speransa ley 1613x (NP).JPG

Union Sindical di Aruba ta bibito y trahando lista di puntonan di atencion

E bloke sindical ta bibito bibito. Lider di FTA, sr. Hubert Dirksz a declara ...

conscientisacion consumidor.JPG

Hopi keho riba contratistanan y mecaniconan di auto

Departamento di Asunto di Consumidor ta bay traha riba e tereno di conscientisacion riba ...

Inspira riba rapport Hulandes: Comision lo trece recomendacion riba siguridad den trafico

ORANJESTAD – Pa trece mas siguridad riba nos caminda y riba trafico, minister di ...

A3 permiso hinder (sh) (1).jpg

Refineria mester un permiso nobo momento cu ta incia trabou

E permiso pa haci cierto molester, yama Hindervergunning, di Valero no ta valido mas. ...