(NLTimes) – CEO di NS Wouter Koolmees a pidi despensa na empleadonan di mantenimento cu a traha cu e verf toxico Chromium 6 entre aña 1970 y 2020. NS no a tuma suficiente accion pa proteha e empleadonan di e substancianan carcinogenico cu a verf aki ta emiti ora di usa esaki pa duna mantenimento na e treinnan, instituto di salud publico RIVM a conclui, NOS a reporta.

RIVM a conclui cu NS y su subsidiario NedTrain tin e intencion di sigui e reglanan y adecuadamnte proteha nan personal, sinembargo nan no tin hopi conocemento tocante e riesgonan di Chromium 6 pa haci esaki suficientemente. Managernan tabata sa cu aplica pintura nobo ta peligroso, sinembargo nan no tabata altanto cu traha cu e capanan bieu tambe ta mesun riesgoso.

Proteccion contra di e riesgonan di Chromium 6 ta posibel desde aña 1970, sinembargo NS no a tuma e medidanan necesario. Tampoco nan a check consistentemente si e empleadonan a usa e hermentnan di proteccion manera tapaboca.

“Pa un organisacion social manera NS, e resultadonan di e estudio ta extremadamente doloroso,” Koolmees a bisa riba diamars. “Nos ta pidi despensa pa e sufrimento, incertidumbre, y dolor causa. Den reconocimento, nos a crea un skema pa e victimanan, cu e sosten di e unionnan di labor. Nos ta spera cu nan lo haci uso di esaki.”

LEAVE A REPLY

Please enter your comment!
Please enter your name here