(NLTimes) – E produccion Hulandes Kabam! Di IJswater Films a gana na International Emmy Awards, cual ta e premiacion cu ta duna na e programanan di television crea fuera di Merca. E drama Hulandes a keda nomina den e categoria di programa pa mucha.

E premiacion prestigioso aki a ser presente pa di 50 biaha riba dialuna anochi. Noticiero KRO-NCRV y productor di IJswater Films a bisa riba dialuna cu nan ta orguyoso cu nan programa enfoca riba muchanan a gana un premiacion.

KROC-NCRV su serie ta enfoca riba muchanan y nan miedonan. Den 10 videonan cortico, un studiante diferente di Mr. Mo su klas ta conta tocante e miedonan cu e tin. E serie kier demostra cu “tur hende ta sinti miedo tin biaha” y cu hopi biaha por yega na solucionnan. Kabam! Ta dirigi pa Elisabeth Hasemans,. E serie a competi contra produccionnan di Singapore, Australia y Mexico. E ceremonia a tuma luga na New York.

“Na prome luga, e ta bal la pena duna un elogio grandi na e creadornan di e serie y e coleganan di nos departamento di drama. E ta un logro special pa ta e unico produccion Hulandes cu a gana asina un premio grandi di television y un confirmacion grandioso di e calidad di e drama aki y di NPO en general,” e noticiero a declara.

Esaki no ta e prome Emmy internacional pa Hulanda. Premionan anteriro a bay na Het Zakmes, actornan Pierre Bokma y Maarten Heijmans, actriznan Bianca KRijgsman y MAryam Hassouni y e programa di television De Grote Donorshow. Peter R. de Vries tambe a gana un premiacion den aña 2008 pa su reportahe tocante e desaparicion di Natalee Holloway.

LEAVE A REPLY

Please enter your comment!
Please enter your name here