E CPI pa luna di Mei 2021 ta 97.39, loke ta representa un caida di 0.2% compara cu e indice di April 2021 (97.57) y acumulando un aumento di 0.3% te cu na Mei di e aña aki. E cambio di e CPI pa e ultimo diesdos (12) lunanan (Mei 2020 te cu Mei 2021) ta -0.2%, un aumento di 1.4 punto di porcentahe (ppt) compara cu e periodo corespondiente di aña pasa (-1.6%).

E promedio anual di e tasa di inflacion pa e periodo di Mei 2020 te cu Mei 2021 ta -2.2%, un caida di 4.8 ppt compara cu e 2.6% registra den e periodo di Mei 2019 te cu Mei 2020. Durante e luna aki, seis (6) di e diesdos (12) sectornan a registra caida di prijs.

E caidanan cu tabatin e mayor efecto riba e CPI a wordo registra pa e sectornan di “Mobilario” (-3.1%) y “Comunicacion” (-0.5%), causando un efecto di -0.28 y -0.04 ppt. E caidanan den e restante sectornan a contribui cu un efecto di -0.05 ppt riba e CPI di Mei 2021. E caidanan aki a wordo contraresta parcialmente door di aumento den e indice di e sectornan di “Recreacion y cultura” (1.2%) y “Paña y sapato” (1.4) cu a contribui cu un efecto di respectivamente 0.11 y 0.03 ppt riba e CPI di Mei 2021.

E aumentonan den e restante sectornan a contribui cu un efecto di 0.05 ppt riba e CPI di Mei 2021. E caida den e sector di “Mobilario” a wordo causa door di principalmente un caida di 8.2% den e categoria “Aparato pa uso domestico”, causando un efecto di -0.20 ppt.

E caida den e sector di “Comunicacion” a wordo causa door di un caida di 10.1% den e categoria “Ekipo di telefon y fax”, causando un efecto di -0.04 ppt. E aumento den e sector di “Recreacion y cultura” a wordo causa door di principalmente un aumento di 3.6% den e categoria “Vacacion”, causando un efecto di 0.10 ppt. E aumento den e sector di “Paña y sapato” a wordo causa door di principalmente un aumento di 1.5% den e categoria “Paña”, causando un efecto di 0.03 ppt.

Canasta di consumo

E canasta di consumo di e CPI ta consisti di 408 bienes y servicionan. Compara cu April 2021, 39.5% di e bienes y servicionan aki a conoce un aumento di prijs causando un efecto di 0.60 ppt, mientras cu 42.9% ta mustra un caida di prijs, cu a contribui cu un efecto di -0.78 ppt y pa e restante 17.6% no tabatin cambio den prijs. Prijsnan di bienes a baha cu 0.4% y a causa un efecto di -0.25 ppt. Prijsnan di servicionan a conoce un aumento di 0.2% y a causa un efecto di 0.07 ppt riba CPI di Mei 2021.

Core inflation

E CPIC (core inflation) – CPI excluyendo e efecto di energia y cuminda – a registra na Mei 2021 un caida di 1.7%. E indice di energia – cu ta consisti di e productonan: electricidad, awa, gasolin y diesel a registra un caida di -4.1%. E indice di cuminda a registra un caida di 2.6%.

Bestaansminimum

E bestaansminimum pa un hogar consistiendo di dos (2) adulto y dos (2) mucha (edad 0-15 aña) na Mei 2021 ta Afl. 4,752, un caida di Afl. 42 compara cu Mei 2020 (Afl. 4.794). E bestaansminimum pa un hogar di un (1) adulto ta Afl. 2,263, un caida di Afl. 20 compara cu Mei 2020 (Afl. 2.283).