(NLTimes)—E cantidad di hogarnan bibando bou di e liña di pobresa lo aumenta di 815.000 e aña aki pa casi 995.000 na 2024, segun e Oficina di Planificacion Central (CPB). E aumento ta pa via di hopi medidanan di aporte temporario cu ta disparciendo. Pobresa infantil lo subi di 6.1% e aña aki pa 7.1% otro aña sin intervencion.
Pobresa lo subi lihe otro aña pasobra e medidanan di gobierno pa proteha poder di consumo despues cu Rusia a invadi Ucrania y cual a causa aumento skerpi den inflacion ta solamente temporario. Esaki ta inclui un compensacion di energia provee via municipalnan, e aumento temporario den compensacion di cuido di salud y e limite di prijs di energia. Ora e medidanan disparce, hopi hende lo por cay bou di e liña di pobresa.
E CPB a describi e liña di pobresa como e limite no mucho pero suficiente. Personanan bibando riba e liña ey por paga pa compras, miembresia di gym, y un vakantie cortico. E limite pa un persona soltero ta 1.508 euro na 2023 y 1.573 na 2024. E limite di salario ta mas halto pa famianan.
E oficina di planificacion a spera cu e gobierno no lo cumpli cu su meta pa reduci pobresa infantil na mita entre 2015 y 2025. Pero gruponan di muchanan bibando den pobresa lo por reduci despues di otro aña, e CPB ta kere.
E CPB ta spera cu e economia Hulandes lo crece cu 1.6% e aña aki y 1.4% otro aña. E poder di consumo pa hogarnan lo baha cu un averahe di 0.2% e aña aki y subi back cu 2% otro aña.
“Nos ta mirando un recuperacion den poder di consumo awo cu inflacion ta cayendo y salario ta subiendo. Pero pa via di e apoyo temporario di gobierno, e cantidad di hende bou di e liña di pobresa lo aumenta atrobe otro aña. Tambe nos lo mira e deficit gubernal sigui subi den e añanan binidero. Esey ta yama pa mas aporte obhetivo cu cual tin awo,” segun e director di CPB Pieter Hasekamp.
E caida skerpi den prijs di energia lo mantene e poder di consumo stabiel e aña aki. Salarionan tambe ta cuminsa subi, cual lo contraresta parti di e inflacion.
