(NLTimes) – Un test di DNA cu ya caba ta ser usa ampliamente tambe por ilustra cua pashentnan cu cancer di colon no lo beneficia di kimoterapia pa prolonga nan bida, cual ta e kimoterapia unda ta haci uso di trifluridine/tipiracil (FTD/TPI).
Trifluridine/tipiracil (FTD/TPI) ta un medicamento cu ta ser duna dos biaha pa dia den forma di un tablet (pildo). Investigadornan na Antoni van Leeuwenhoek Hospital y Netherlands Cancer Institute a demostra esaki caba. “Den termino corto, e resultadonan ya caba a causa un seleccion mas cauteloso di pashentnan cu tumornan y con nan lo responde na e kimoterapia aki pa asina por evita cu e pashentnan mester pasa door di tratamento innecesario y lidia cu efectonan secundario inplacentero sin cu esaki ta necesario,” e investigadornan a splica.
Esaki ta trata di persona cu un “mutacion KRAS G12” den e DNA di nan tumor. Den e pashentnan aki, un ‘letter’ specifico a cambia den e codigo di 3 biyon letter cu e tumor su DNA ta conta. E mutacion ta comun den personanan cu tin cancer di colon. Mas o menos un kwart di tur pashent tin e mutacion aki den nan DNA.
“E resultadonan di e estudio aki ta asina fuerte cu di nos punto di bista, ahusta e guianan ta deseabel pa asina sigura cu personanan cu e mutacion G12 no mester ricibi e kimoterapia aki mas. Asina bo ta evita cu e pashentnan mester pasa door di sufrimento innecesario,” e cientificonan a declara. Nan ta spera cu e metodo aki tambe por mustra e efecto di otro tipo di kimoterapia den futuro.
