OM ta confirma 2 detencion den caso di ‘plan asesinato hues’

corte, hof

E conocido Alex Mathew ta cera atrobe hunto cu un otro sospechoso cu inicial R.T. den un caso cual fuente 24ora ta bisa cu e dos a traha un plan pa asesina un hues trahando na corte di Aruba. Ministerio Publico ta confirma na Bon Dia Aruba di e detencion. Pero no kier confirma ni desmenti cu ta trata di un hues sea un plan pa mata un hues.

Vocero Ann Angela ta bisa nos ayera nochi cu sr. Mathew ta deteni bou sospechoso di prepara un asesinato (voorbereiding moord). Tambe e ta sospecha di provee un arma di candela. E otro sospechoso tambe a bay cera. Pero e vocero a bisa tambe: “Nos no ta bay confirma e parti cu lo ta trata di un hues.”

Ora Bon Dia Aruba a puntra si por confirma sea desmenti e parti aki, su comentario tabata: “Nos no kier confirma ni desmenti.”


E fuente menciona ta bisa cu sr. Mathew tabatin e plan como cu e ta rabia cu e hues concerni pa motibo di un cas. Aparentemente el a cumpra un cas di e comerciante cu a fayece algun luna despues di e benta den un accidente na e rotonde dilanti aeropuerto. Ta trata di e doño di Pricesmart, Ash Ramchandani cu a fayece na maart 2014. Sinembargo sr. Mathew no por a prueba cu e por a cumpra e cas y den un caso den corte, e hues no a dun’e rason tampoco. Despues sr. Mathew aparentemente a manda un carta di menasa pa e hues, cu segun e fuente awor ta bou proteccion di polis hunto cu su famia.

Esaki ta prome biaha cu nos ta tende di un plan criminal serio asina, contra bida di un miembro di nos poder hudicial. Ta bon pa accentua tambe e hecho cu aki no ta trata di stranhero, sino dos Arubiano mes, cu un plan cla pa destabilisa e sistema hudicial di nos pais. Sr. Mathew ta conoci tambe como cu e tabata doño di e luga di striptease Foxy Lady na San Nicolas unda despues su trahadonan a acusa di traficacion. E caso aki a bay dilanti corte unda sr. Mathew finalmente a bay cera pa e delito aki.

 

 

You May Also Like

ATA ta spera un crecemento di 3,7% pa 2018

Despues cu 2017 a termina den un bahada di 2,9% di turismo (1.070.548 stay-over ...

1....images.stories.news_.2016.feb_.15.yellow_pa.DSC_7141_Custom.JPG

Diabierna e caso di ”Yellow” ta bin pa dilanti

Segun informe di Openbaar Ministerie (OM) , e caso di Milanchelo Nelson Antonio Trenidad ...

1juniNG Tom Calame.jpg

Tom Calame: Aruba mester ta habri pa cambio

Tom Calame ta Gerente General di Marriott y a duna su comentario riba e ...

IMG_9324.JPG

A detene persona robes relaciona cu caso di atraco

Diahuebs anochi un rato despues cu a drenta informe di un atraco na Piedra ...

‘Tecnologia por stimula nos crecemento economico’

Siman pasa durante conferencia di tecnologia y innovacion Atech por a mira diferente startups ...