Dialuna ultimo, Bon Dia Aruba a publica den su Editorial cu Aruba a haya un sorpresa grandi pa loke ta trata e anuncio di exigencia di gobierno Hulandes, pa duna e siguiente parti di ayudo financiero. Pa ricibi e ayudo, lo mester bay di acuerdo cu ley di reino en cuanto supervision financiero.
Di mesun manera, un reportero di Bon Dia Aruba a sali riba caya pa haya impresion di e mesun comunidad y haya di nan voz mes kico nan ta pensa, tocante si Hulanda ta tuma encargo di finanzas publico di Aruba y si esaki lo nifica e fin di status aparte.
Renato van Putten a expresa cu e no ta kere cu ta corecto pa Hulanda tuma encargo di finanzas publico. Pa motibo cu Aruba ta bin desaroyando nan mesun separacion di Hulanda den ultimo 30 aƱa. āCu cos a bay malo, si ta berdad, nos politiconan por hacie miho. Pero pa bisa cu nos lo entrega tur locual nos a logra pasobra nos kier un ayudo financiero, no, mi no ta di acuerdo.ā Tambe el a afirma cu di loke ta trata status aparte, ya Aruba tin esey aworaki. Y segun e ta kere tin cu percura pa mantene. āSi Aruba a haci un fout den pasado, pueblo mester scoge miho den otro eleccion. Pero pa bisa aworaki cu tur cos a bay malo y bay entrega y duna tur cos Hulanda back, pa ban bira un gemeente, nos ta duna no un stap atras, sino 30 stapā, el a comenta.
Ademas, el a laga sa cu e problema ta bira si esey ta pa semper of e ta bay keda pa un aƱa. Aruba a percura pa tin su constitucion y ānos como pueblo a scoge incorecto pa politiconan y esey nos ta paga awor.ā Ademas el a declara cu e no ta kere cu Aruba por laga esey bira pa futuro, pa e hubentud cu ta bin. āAruba ta bay mara su situacion financiero pa locual a wordo haci den pasado y lo laga e hobennan, cu awor ta studiando afo, den un cadena cu e Hulandesnanā, van Putten a declara.
Den otro entrevista, cu sra. Ruth cu no a menciona su fam, el a bisa Bon Dia Aruba cu den su opinion ātin hopi corupcion y algo mester wordo haciā. āSi Hulanda mester bin cu reglanan of control, haciāe.ā Ademas e ta pensa cu lastimamente esey por nifica e fin di status aparte, pero cu e gobernantenan no ta scuchando. āMacaco ta hunga cu su mesun yiu te cu e saca su wowo y esey ta loke ta pasando aworaki.ā
Sra. Marina Haines a trece dilanti cu si Hulanda ta tuma encargo di e finanzas publico di Aruba ālo ta bon, pa motibo cu Hulanda ta nos madre patriaā. āNos ta dependiente asina cu nos mester ayudo di Hulanda y asina e placa por bay caminda mester bay.ā Pasobra segun e mes a sigura, e placa no ta bayendo tur ora unda e tin cu bay exactamente. Pero e otro banda ta cu nos ta bira mas dependiente di Hulanda. Sinembargo, e no ta kere cu Hulanda kier pa Aruba ta cos di dje asina atrobe. āMi no ta kere cu Hulanda kier kita nos status aparte, pero di algo cu nos a lucha asina hopi, eigenlijk nos mester salvaguardia nos finanzas caba y pone e placa aparte. Mester pone un fondo di emergencia si den caso cu algo pasa y nos tin e placa, pero esey no a pasaā, el a bisa.
Den opinion di sr. Willian, cu tampoco a duna di conoce su fam, el a laga sa cu el a papia e topico aki cu su coleganan di trabou y esaki tin un parti bon. Pero di otro banda ta wak con Aruba lo sigui cu su mesun status. Hulanda ta maneha tur e finanzas y economia hopi bon, pero Aruba ta hayando hopi problema economicamente. Pero āe problema ta cu por perde status aparte y esey ta e punto cu a nos no kierā el a bisa.
Roger Villamarin a trece dilanti su opinion, cual a destaca cu e ta kere cu si Hulanda ta tuma encargo di finanzas publico di Aruba lo ta bon. Pa motibo cu ānan tin mas experencia den esey. Aruba no tin un bon maneho di nos finanzas. Si esey por nifica cu Aruba lo perde su status aparte esey tampoco ta bon, pa via cu Betico Croes a bringa pa esakiā a expresa.
Marylain Lopez a papia cu Bon Dia Aruba y tocante e prome pregunta, a bisa: āEsey no ta corecto, pa motibo cu Aruba ta hopi capaz y tin personanan studia cu nan mes por maneha esey.ā Tambe a menciona: āTa bon pa bin cu mas control, pero esey no kiermen cu nos tin cu entrega tur cos.ā Tocante status aparte, el a laga sa cu Aruba tin esey pa hopi aƱa caba y nos a mustra cu den tur e aƱa cu nos tināe, nos tabata mas cu capaz pa defende nos mes y controla nos mes. Tambe a agrega cu āsi nan kier fia nos placa, esey ta bon pasobra hopi hende mester di dje, pero cu nan kier tin tur control… esey si mi no ta di acuerdoā, el a finalisa.