(CiberCuba) – Mas di doscien intelectual, artista, escritor, ex-preso politico y lider Cubano-americano a pidi presidente di Merca, Joe Biden, pa condiciona un posible cambio di politica encuanto Cuba cu exigencia di un “amnistia general di tur preso politico” na e isla y otro serie di medida fundamental pa un berdadero cambio na e isla.

Ademas di e amnistia pa preso politico e carta ta propone otro cuatro punto como condicion cu cual regimen Cubano mester cumpli pa por tin un cambio den e relacion entre Merca y Cuba. E condicionnan ey ta e retirada di parti di e regimen Cubano di e tropanan cu nan tin na Venezuela. Tambe eliminacion di e restriccionnan na distribucion di ayudo humanitario na esnan den necesidad na e isla, proveniente di organismonan internacional y di e Cubano-americanonan. Igualmente ta pidi entrega na Merca di e “profugonan di husticia y teroristanan na cual e regimen a duna refugio na e isla y cu ta responsable di morto di ciudadano Mericano”. E ultimo propuesta den e carta ta toca un asunto hopi sensible pa e pblacion Cubano: e acceso na remesa di exterior. Segun e firmantenan di e carta, Habana mester permiti cu e remesanan manda di parti di exiliadonan Cubano na nan famia na Cuba, yega na nan man na dollar, pa nan por adquiri bienes y servicio segun ta parce nan mihor”.

Entre e firmantenan di e carta publico tin e opositor Cubano y lider di e Union Patriotico di Cuba (UNPACU) Jose Daniel Ferrer, opositora Rosa Maria Payá, yiu di e lider desapareci Oswaldo Payá; e sacerdote Jose Conrado Rodriguez Alegre, di e parroquia di San Francisco de Paula; ex-embahadornan Mericano Everett Briggs, Otto J. Reich y Armando Valladares.

 

LEAVE A REPLY

Please enter your comment!
Please enter your name here