(NLTimes) – Lider di partido GroenLinks, Jesse Klaver a acusa Prome Minister Mark Rutte di no presta suficiente atencion na transparencia aunke anteriormente el a priminti cu e lo cumpli cu esaki.

“E ta algo cu ta keda tuma luga ,y pa e motibo aki nos ta aki den un debate parlamentario tocante mensahenan di texto cu Rutte a kita for di su dispositivo pa añanan largo.” Klaver a pidi e debate. Otro partidonan tambe a papia tocante esaki birando un custumber.

Klaver a señala cu Rutte a priminti cu e lo ta transparente a causa di e scandal di bijstand. “Pa asina Tweede Kamer por haci su trabao y reporteronan tambe por haci nan trabao.” Segun e lider di GroenLinks, nada positivo a resulta di esaki. El a conecta esaki cu incidentenan anterior unda Rutte, den su opinion, a mantene cosnan bao di mesa, manera algun decision tocante impuesto, e trato di Teeven, e bombardeo na Hawija y su comentarionan tocante Pieter Omtzigt y “funcion otro caminda” durante dialogo pa formacion di gabinete.

Riba diaranson, Volkskrant a revela cu Rutte a kita mensahenan di su telefon pa añanan largo. Rutte a bisa cu el a haci esaki solamente pa motibo cu su Nokia no tabata wanta un gran cantidad di mensahe na mesun momento y e tabata manda e mensahenan cu e tabata considera importante na un oficial pa warda esaki, y cu semper el a sigui e reglanan cu Gobierno mes a crea.

Durante su añanan como Prome Minister, Rutte hopi biaha a bisa cu e no ta corda tocante cosnan crucial, y a haci erornan grandi den varios ocasion, sinembargo nunca e ta enfrenta consecuencia danki na e coalicion.

E oposicion ta furioso cu Rutte continuamente no ta tuma Tweede Kamer su funcion di transparencia di e gobierno na serio. E oposicion no lo acepta esaki mas y ta kere cu esaki mester caba. “E ta tempo pa nos crea linea nan y bisa e Prome Minister pa stop di haci esaki inmediatamente,” Farid Azarkan di DENK a expresa. Un gran parti di e oposicion ta comparti e opinion y sentimentonan aki.

Segun e partido den e coalicion CDA, e pregunta ta si Rutte su accionnan tabata di acuerdo cu e espiritu di ley, aunke e ley en si ta bisa cu e no a comete ningun eror. “Mi no ta kere cu e Prome Minister usando un dispositivo bieu ta contra ley. E por hasta pone e telefon cu e mensahe den un mashin di saca copy, print un copy y warda esaki,” CDA su parlamentario Henri Bontenbal a bisa. “E ta trata di e espiritu di ley; e mensahe di texto mester ta bon ordena, y esaki mester ta facilmente haya na momento cu tin mester di dje.”

Bontenbal a puntra Rutte si e ta realisa cu e tin un funcion ehemplar pa e empleadonan civil cu ta traha pa gobierno. E no ta kere cu Rutte mester a warda tur mensahe en general, “tin un seleccion cu mester tuma luga un caminda,” el a expresa, “pero e no ta hopi vulnerabel pa e Prome Minister haci e seleccion aki su mes?”

E oposicion no ta compronde con VVD ta continua cu su apoyo y sosten na e Prome Minister. Lider di PVV, Geert Wilders a expresa cu e kier sa con leu Rutte mester bay prome cu bira di mas pa e partido.

E otro dos partido di e coalicion, cual ta D66 y ChristenUnie, tin e opinion cu e reglanan pa warda mensahenan di texto mester bira mas estricto. “Nan mester ta cla y traha di un manera cu por aplica esaki,” parlamentario di D66, Joost Sneller a expresa. Den su opinion, un Minister no por dicidi pa su mes cua mensahenan mester kita y cua mester warda.

Pa motibo cu e ta posibel pa evadi reglanan estricto, “Ministernan mester tambe haci tur loke ta posibel pa nan por ta habri y transparente pa asina bolbe gana confiansa y e control riba e poder cu nan tin,” MP di ChristenUnie Stieneke van der Graaf a comenta. Segun su persona, Rutte su manera di a lidia cu e mensahenan di texto no a contribui na e confiansa cu tin pa cu e gobierno.

LEAVE A REPLY

Please enter your comment!
Please enter your name here