OPPA: minister no kier reuni riba indexering pensioen

21Gobierno y Medida.jpg

21Gobierno y Medida.jpg

 

Minister di Finansa no ta haya cu tin niun sentido pa reuni cu OPPA relaciona cu e indexacion di e suma di Afl. 85 riba pensioen di e pensionadonan publico for di 1 di januari 2013. Esaki el a informa e organisacion den un carta cu fecha 20 di april 2017.

Segun e organisacion e minister su carta no a tene cuenta cu e acuerdo bilateral di 21 di december 2012, den cual ta referi na un acuerdo bilateral di 8 di december 2011. Aki ta regla e aumento di Afl. 140 pa empleadonan publico. Den niun di e acuerdonan aki ta menciona cu e suma aki ta conta pa pensionadonan tambe, pero lo conta pa nan tambe.

OPPA ta haya cu ta logico, pasobra pensionadonan publico tin tur e derecho cu ta wordo duna na empleadonan publico. Y ta argumenta cu cualkier aumento ta conta igual pa pensionado publico tambe, como cu e ta un derecho adkiri  y e aumento ta cay bou di ‘algemene verhoging’.

Fuera cu e derecho akita para bon cla den e areglo di 70 porciento pa pensionadonan publico cual ta vigente desde 1 di juli 1981 e fondo di pensioen di Aruba, esta APFA, den su carta di dia 6 di april 2005 no. APFA/006-05 ta informa e director di Finanza di lo siguiente: “De inhoud van deze nota (esta e areglo di 70%), is niet vastgelegd in enige landsverordening of landsbesluit of andere wettelijke vorm, maar vastgelegd moet worden dat de inhoud van deze nota als ongeschreven geldend recht is aanvaard.”

Prome cu esey den un carta fecha 27 di november 1985 no. AP/8584 di e director di APNA na Corsou cual a wordo dirigi na sr. Kelly y ex director suplente di e departamento di personal di gobierno di Aruba e director ta enfatisa lo siguiente: “Bij de uitvoering van de zogenaamde 70 procentsregeling werd vastgesteld dat het pensioeninkomen dezelfde ontwikkeling zou volgen als de desbetreffende bezoldigingsschaal (schalen) waarvan het pensioen is afgeleid. Een wijziging van algemene aard, te weten zowel een verhoging als een verlaging van de bezoldigingsschalen werkt dus door in het pensioeninkomen.”

Despues di un proceso di prueba cu Nacho Ignacio, presidente di ABVO na Corsou na 2004 a entama contra gobierno di Corsou, hues a dicta entre otro lo siguiente: “Het Gerechttoetstaan artikel 1 van het EVRM-protocol (Europees Verdragvoor de Rechten van de Mens) dat het eigendomsrecht beschermt. Aanspraken die in geld kunnen worden uitgedrukt zijn een eigendomsrecht. Ook een vut-uitkering is zo’n eigendomsrecht, net zoals pensioenaanspraken.”

OPPA ta compronde dicon e minister no kier reuni relaciona cu e asunto aki, como cu nan ta di opinion cu na final gobierno lo mester carga e gastonan envolvi y no APFA.

 

You May Also Like

EdM Crimen Cibernetico.JPG

Prome Conferencia di Crimen Cibernetico di Caribe teni na Aruba

– E prome conferencia Caribense riba crimen cibernetico (Caribbean Cybercrime Conference) a atrae mas ...

‘Ta manera niun hende ta worry cu mangelnan’

Investigacion efecto di azeta riba mangel ‘Ta manera niun hende ta worry cu mangelnan’, ...

Promesa falso di gobierno pa cera dump

“Haya mi ta bay di mi cas atrobe paso e huma ta haci mi ...

E ta manera un wega, pero na mesun momento e ta siña bo

Un poco prome di 7’or di mainta y ya caba Rudolfo Gonsalvez a lanta, ...

A3 tweede kamer venezuela.jpg

Parlamento Hulandes no ta contento cu reapertura refineria ‘bou PDVSA’

Tweede Kamer ta haya gobierno Hulandes ‘naïef’ y no mucho realistico riba e situacion ...

Publico ta dialoga tocante sistema democratico alternativo na final di simposio

E simposio pa bon gobernacion a finalisa diahuebs ultimo cu un dialogo entre oradonan ...