Oprah Winfrey ta haciendo donacion na ciudadnan den cual el a yega di biba, a traves di su fondo di alivio pa coronavirus di $12 miyon.
Diaranson el a anuncia cu su Oprah Winfrey Charitable Foundation lo haci donacion monetario na organisacionnan dedica na yuda comunidadnan mal atendi na Chicago; Baltimore; Nashville, Tennessee; Milwaukee; y Kosciusko, Mississippi, unda el a nace.
Winfrey a bisa cu e ta isolando na cas desde dia 11 di maart ultimo, cuatro dia despues di termina su tour di nuebe ciudad. El a anuncia si fondo di alivio pa COVID-19 luna pasa, incialmente dunando $1 miyon na America’s Food Fund. El a bisa diaranson cu tambe e lo haci donacion na organisacion defensor Global Citizen, New Mount Pilgrim Missionary Baptist Church na Chicago y Minnie’s Food Pantry na Plano, Texas entre otro ciudad.
Siman pasa, Winfrey a duna un discurso di comienso durante e ‘Graduacion 2020’ virtual di Facebook, y a puntra e graduadonan: “Kico ta bay ta bo servicio esencial?” El a bisa el a haci su mes e mesun pregunta. “Locual el pandemia aki a haci ta pone mi pensa riba duna di un forma diferente. Con mi ta duna y ken ta ricibi y con bo ta haci esaki di un manera cu ta sostene hende? Mi semper a pensa cu mester siña hende piscamento… pero tin biaha hende djis mester un pida pan cu pisca”, el a bisa. “Tin biaha bo djis mester un tiki pisca, ok? Tin biaha bo no tin tempo pa siña piscamento.”
