Organisacion Pan Americano di Salud: Venezuela mester tuma medida contra sarampion y difteria

Na un sesion extraordinario di e Organisacion Pan Americano di Salud (OPS) a haci un yamada urgente na gobierno di Venezuela, pa tuma medida preventivo pa combati e aumento di sarampi y difteria, tambe atende e mortalidad di malaria, como tambe e actual fragmentacion y segmentacion di e servicio di salud.

E exigencia ta aparece claramente den e informe di Venezuela y paisnan bisiña, cu a ser presenta durante e sesion 162 di e comite ehecutivo di e organismo, cu lo finalisa diabierna 27 di juli na Washington.

Segun e informacion di tendencia migratorio nacional na Sur America, publica diamars pasa pa e Oficina Internacional di Migracion (OIM), “migracion di Venezolano pa paisnan Sur Americano a aumenta cu 895% den ultimo dos aña.” E migracion aki ta loke ta propaga e enfermedadnan den e region.

Ademas di difteria, sarampi y malaria cu a ser propaga rapidamente, OPS a expresa su preocupacion pa e aumento di mortalidad a causa di HIV y tuberculosis, tambe a aumenta e mortalidad materno y mucha menor di un aña, ademas di e dificultad pa adkiri medicamento y  atencion pa persona cu enfermedad cronico mortal.

E comunidad indigena ta figura entre esun mas afecta pa e epidemia di sarampi, a ser confirma 123 caso di e enfermedad aki na e comunidad Yanomami di e municipio Alto Orinoco, na estado di Amazonas.

E organismo regional a detaya cu e total di caso notifica ta inclui 53 morto, “lo cual actualmente ta bao investigacion cu e meta pa establece e relacion cu sarampi.”

OPS ta specifica cu un centenar di casonan cu a ser reporta na e comunidad indigena ta registra desde luna di maart pasa te dia 14 di juli. Tur e casonan a ser confirma pa analisis di laboratorio o nexo epidemiologico.

(fuente: Infobae/Efe)

 

 

 

 

 

 

 

You May Also Like

Un chauffeur a dal 13 studiante cu su auto na Guatemala

Un auto a dal 13 studiante cu tabata protesta dilanti un scol na Ciudad ...

Nicolas Maduro ta purba restructura debe di Venezuela

Venezuela lo purba di re restructura su debe externo cu ta balora na  150.000 ...

Muhe a sobrevivi un avalancha na Peru

Un muhe di 32 aña a sobrevivi un avalancha di lodo cu a lastr’e hunto ...

Grenada: Compania Ruso lo a haya petroleo den awa teritorial

Prome ministro Keith Mitchell a admiti cu tin un posibilidad chikito di descubri petroleo ...

Mexico: captura di lider importante di cartel Los Zetas

(UnivisionNoticias) – Ciudad de Mexico – Agentenan di Marina Mexicano a detene diahuebs pasa ...

Fanatico a muri na Argentina despues di ser lansa di un tribuna

Dialuna un aficionado di ekipo di Belgrano di Cordoba a muri, despues cu otro ...