Organisacion Pan Americano di Salud: Venezuela mester tuma medida contra sarampion y difteria

Na un sesion extraordinario di e Organisacion Pan Americano di Salud (OPS) a haci un yamada urgente na gobierno di Venezuela, pa tuma medida preventivo pa combati e aumento di sarampi y difteria, tambe atende e mortalidad di malaria, como tambe e actual fragmentacion y segmentacion di e servicio di salud.

E exigencia ta aparece claramente den e informe di Venezuela y paisnan bisiña, cu a ser presenta durante e sesion 162 di e comite ehecutivo di e organismo, cu lo finalisa diabierna 27 di juli na Washington.

Segun e informacion di tendencia migratorio nacional na Sur America, publica diamars pasa pa e Oficina Internacional di Migracion (OIM), “migracion di Venezolano pa paisnan Sur Americano a aumenta cu 895% den ultimo dos aña.” E migracion aki ta loke ta propaga e enfermedadnan den e region.

Ademas di difteria, sarampi y malaria cu a ser propaga rapidamente, OPS a expresa su preocupacion pa e aumento di mortalidad a causa di HIV y tuberculosis, tambe a aumenta e mortalidad materno y mucha menor di un aña, ademas di e dificultad pa adkiri medicamento y  atencion pa persona cu enfermedad cronico mortal.

E comunidad indigena ta figura entre esun mas afecta pa e epidemia di sarampi, a ser confirma 123 caso di e enfermedad aki na e comunidad Yanomami di e municipio Alto Orinoco, na estado di Amazonas.

E organismo regional a detaya cu e total di caso notifica ta inclui 53 morto, “lo cual actualmente ta bao investigacion cu e meta pa establece e relacion cu sarampi.”

OPS ta specifica cu un centenar di casonan cu a ser reporta na e comunidad indigena ta registra desde luna di maart pasa te dia 14 di juli. Tur e casonan a ser confirma pa analisis di laboratorio o nexo epidemiologico.

(fuente: Infobae/Efe)

 

 

 

 

 

 

 

You May Also Like

Merca no lo usa nan forsa, pero a adverti Maduro atrobe

Merca a cambia su discurso di guera pa cu Venezuela, pero ta adverti cu ...

Venezuela den teritorio di hiperinflacion pa prome biaha

Venezuela a registra e luna di october aki un inflacion di 50,6 %, comara ...

Na OEA: Venezuela y Merca a confronta otro tocante opinion riba protesta

Tension politico di Venezuela tin dos frente. E prome ta protesta riba caya, caminda ...

VENEZUELA: Asina cas unda Oscar Perez tabata sconde a keda

Reduci na poco columnas y escombro, asina e cas a keda unda e ex-polis ...

Cuba: Crisis petrolero ta cerca

Cuba tin un actual deficit di 20mil bari pa dia di petroleo, cu ta ...