Pa Dia Internacional di Hende Muhe, Bon Dia Aruba a acerca Oriana Mercedes Baez, kende ta un mama hoben, pa e conta tocante e experiencia di hende muhe hoben den nos comunidad.

Con bo ta balansa bo trabao cu bo bida personal?
 Oriana Mercedes Baez un mama hoben cu un caracter fuerte y ‘whatyou see is what you get’ esaki ta un di e caracteristicanan di caracter di hende cu bo no ta haya tur caminda. Oriana ta un di nan. Sinembargo dia di hende muhe ta un dia special pe y pa su yiu muhe tambe pa su mama cu ta support e den tur momento. Door di ta un mama hoben ta dificil pa por traha y wak pa yiu mesun tempo, pero ta balansa tur cos danki na su mama cu ta sostene y yuda Oriana cuida su yiu ora mester.

Bo ta haya cu hende muhe den bo profesion ta haya dificultad pa wordo promovi?

Si, paso ora bo ta un muhe cu ta crea contenido pa social media semper bo lo haya bo cu tipo di hende homber cu kier gaña bo cu nan ta dispuesto pa yuda bo crece, pero na final di dia bo ta haya sa cu ta un cos so nan kier a cambio. E ta hopi dificil paso bo no sa ken ta ken ni ki intencion nan tin di un comienso, dus bo ta haya bo ta perde bo tempo cada bes cu e tipo di ser masculino cu e pensamento ey.

Ken ta inspira bo y dicon?

Ladymarrdita. E ta un influencer na Spaña cu ta haci contenido casi mescos cu mi como un social media influencer. E la inspira mi paso e tin mesun edad cu mi y e no ta worry cu kico hende tin di bisa di dje, y esey ta e actitud cu semper mi tabata tin dus ma dicidi di crea mi mesun contenido.

Kico ta e conseho cu bo persona lo duna na e siguiente generacion di mucha muhenan lider?

Semper ta bay tin hende cu no ta bay gusta loke bo ta haci y esey ta okay! No tur hende tin mesun mentalidad y mester respeta esey. Bo lo haya bo cu comentarionan cu den principio lo hurt bo, pero cu tempo bo no lo worry mas, bo lo djis hari.

Bo a yega di experiencia resistencia ora cu bo a lidera un grupo di hende homber?

Na pia di trabao sigur cu si na momento cu bo no bay di acuerdo cu un hende homber cu ta den posicion of ta doño na momento cu nan sea basila, trata di mishi of mishi cu bo den un manera intimida si bo no bay mee, nan ta traha di kibra bo na pia di trabao.

Kico ta bo conseho pa e hende muhe hoben drentando den un profesion lidera pa hende homber?

Mester papia hopi flat cu e homber. Bis’e den un solo biaha cu abo ta djis haciendo bo trabao y bo no ta spera pa duna nada a cambio, y si esey no ta e caso, bay for di eynan y of busca sosten otro caminda.

Unda nan lo por haya bo riba un diasabra 10or di mainta?

Na mi cas ta wak television cu mi yiu of na trabao