Husticia a drenta un cas na Dakota en conexion cu e robo riba casino Excelsior. Nan a detene un persona di fam A., segun fuente Awe24. E motibo aparentemente ta cu el a facilita e arma cu e atracadonan Venezolano a uza durante e atraco. Ministerio Publico ta ainda no kier bisa nada di e suma cu a keda horta. Esaki e vocero a bisa Bon Dia. Durante e detencion di e 3 atracado Venezolano, polis a haya un par di 100 dollar. Pero OM no kier confirma si e placa aki ta di e robo. Na prome instancia polis a bisa Bon Dia cu e casino no kier duna e suma exacto cu a keda horta. Pero awor OM ta menciona cu e casino si a duna e suma. Pero den cuadro di e investigacion OM no kier divulga cuanto a keda horta.
Awor tin 5 persona deteni den e caso aki.
Update: Ministerio Publico a confirma cu berdad a detene A.E.A pa motibo cu el a suministra e arma.
