Thousands of residents and tourists attend the parade of Vila Isabel samba school while a float paying homage to Mexico crosses the sambodrome avenue, 26 February 2006, during the oppening night of the traditional Rio de Janeiro's samba school parade. AFP PHOTO/ANTONIO SCORZA

(Infobae) – Autoridadnan di ciudad di Rio de Janeiro a anuncia cu pa di dos aña consecutivo, no lo celebra e carnaval tradicional den e cayanan di e localidad debi na contexto sanitario di pandemia di coronavirus.

Asina, alcalde di e ciudad Eduardo Paes, a atribui e complehidad di organisa e evento aki, mas ainda cu scenario di pandemia cu e localidad ta bibando awor y transmision di variante Omicron di coronavirus, segun loke e website G1 a indica.

Sinembargo, alcalde a propone eventonan na espacionan alternativo di e ciudad pa medidanan di siguridad y control di publico lo por ta mas senciyo, manera Parke Olimpico of Parke Madureira, sinembargo, esey no a cay den bon tera pa organisadonan local.

E celebracion di parada di scolnan di samba na Sambodromo di Sapucai a ser confirma,  ya cu esaki ta wordo considera cu ta un evento cu ta “mas facil di controla” den e entrada.

“E carnaval di caya ta diferente na carnaval di Sambodromo, carnaval di caya ta rekeri di un planificacion, ta casi 500 cuadra y tempo ta cortico pa tuma di decisionnan. Na Sapucai nos lo tin carnaval”, Paes a splica.

Na final di luna di november di aña pasa, por lo menos 58 ciudad Brasileño di estado di Sao Paulo a anuncia di manera conhunto e cancelacion di celebracionnan di carnaval pa e aña aki, debi na situacion sanitario pa pandemia di coronavirus.

Asina cu, esaki lo ta e di dos aña consecutivo cu na Botucatu, Sorocaba, Poá of Suzano lo suspende actonan riba caya cu multitud di hende manera e website Brasileño G1 a bisa.

“A dicidi pa unanimidad cu ciudadnan no lo realisa e carnaval pa respet na e victimanan di Covid-19 y pa e miedo di un ola nobo di coronavirus”, e alcalde di ciudad di Guariba, Celso Romano a expresa, municipio na unda a celebra e reunion di diesdos localidad pa trata e asunto aki.

LEAVE A REPLY

Please enter your comment!
Please enter your name here