Pa mas di 4 aña dos scolnan ta sera y bandona

ORANJESTAD – Reina Beatrix baisschool hunto cu MAVO Juliana School ta scolnan cu pa par di aña ta cera y bandona. Ambos ta scolnan cu tabata conoci den comunidad y segun comentario di hende, ta un lastima cu ta wak nan cera y no activo.

Bon Dia Aruba a puntra minister di enseñanza, ciencia y desaroyo sostenibel, Rudy Lampe (RED) kico ta bay pasa cu e scolnan aki, mirando cu ya caba tin tanto tempo cera y nada no ta wordo haci. Tin plan pa traha riba edificio of e ta bay wordo destrui?

Lampe a contesta cu no ta den nan plan pa destrui ningun di e dos edificionan. E ta continua splica cu aña pasa, nan a haya nan mes den un situacion dificil cu e scol Bonifacius, cu nan mester a sloop pa motibo cu tabata tin casi 7 aña cera bou di gobierno anterior.

E mandatario a agrega cu e edificio a bira un ruina, anto pa e motibo ey no tabata tin otro salida. “E tabata un decision responsabel, mirando cu e edificio tabata asina zwak caba, henter e structura. No tabata tin otro alternativa”, minister a splica. Pa e motibo ey, a destrui e scol aki.

Segun Lampe, ta bay pasa mescos cu otro scol, Sint Aluisius School na Noord. E structura, segun e mandatario, ta asina malo, cu a renoba e scol aki varios biaha y ainda asina despues di par aña e ta keda sin por wordo uza.

Lampe a bisa cu conseho di expertonan pa e situacion di e scol aki ta pone cu lo bay sloop den pas vakantie, si tur cos keda cla. E ta remarca cu e ta pa evita e molester cu tin banda di e scol, tambe manera e misa na Noord.

Pero pa locual ta trata Reina Beatrix School, e mandatario ta bisa cu e ta un monumento reconoci, pues no ta facil pa destrui e edificio. Juliana School no ta un monumento, pero no ta den plan pa basha e edificionan aki abou.

E nomber di ambos scolnan si ta wordo uza ainda, pero den diferente sitionan na Aruba. Ex alumnonan di ambos scol ta bisa ta un lastima pa wak e edificio unda a pasa nan infancia y hubentud bay perdi asina, pa motibo di no haci renobacion y kita e asbest cu tin na ambos scol.

You May Also Like

19AutoDalHoben (1).JPG

Auto a core na banda robes dal hoben riba bais

Dialuna atardi riba e caminda na Pos Chikito pa e casnan di pueblo, un ...

‘Prensa no tin niun balor educativo pa loke ta idioma Papiamento’

Fundacion Lanta Papiamento (FLP)  tabata hopi critico pa e falta di atencion cu nos ...

Rapport riba daño derame azeta no ta cla aunke mester entrega diabierna

Fecha final ta dia 1 di september pa entrega rapport di gastonan pa locual ...

TOPA ta pidi pa trahadonan bay vota y STA pa nan no bay vota

Awe referendum di trahadonan di APA Awe mainta tempran ta tuma luga un referendum ...

22Jun, JO, Idioma.jpg

”Parti di idioma ta keda afecta resultado di alumnonan na scol”

Minister  di Enseñanza, Michelle Hooyboer-Winklaar ta splica Bon Dia  cu en berdad idioma ta hunga ...

DOW: Otro luna lo cera crusada Super Food pa construi rotonde

Otro luna lo cuminsa cu trabaonan di construccion na crusada di Superfood pa reconstrui ...