19novKM AWASERO (3).jpg

Oranjestad – Diaranson entre 1:30pm y 2:30pm e parti zuid y oost di Aruba a haya awasero relativamente pisa compara cu e parti noord y west di Aruba. Esaki no solamente a ocasiona molester riba trafico pero tambe diferente problema den varios bario rond di Aruba . 

Esaki ta e caso di un persona cu ora el a yega cas a ripara cu no por drenta pa motibo cu e tereno ubica dilanti su cas na Tanki Leendert tabata completamente bou awa. Brandweer a presenta na e sitio, pero pa motibo cu e tereno tabata basta  grandi, a pidi asistencia di D.O.W pa busca un solucion.
Sinembargo, mirando cu tabata birando anochi y D.O.W no por a resolve e problema ainda , a pidi asistencia di Rode Kruis pa busca un luga pe persona afecta por keda mientras cu e problema lo wordo soluciona.  
DOW a sigui traha pa haya un luga strategico unda por coba y asina awa por bay. Pa haci esaki, DOW a solicita presencia di Elmar pa nan no mishi cu algun waya importante bou tera cu por ocasiona mas daño. 

 

LEAVE A REPLY

Please enter your comment!
Please enter your name here