Si tur e partidonan logra, Aruba pa prome biaha lo tin 12 partido participando den eleccion parlamentario.

Ta papia aki di 12 partido y no ta conoci ainda si tin lo uni cu otro. Esey lo haya si mañan na mometo di entrega di lista. Den e eleccion di 2017 tabatin 8 partido di cual e ultimo tabata un lista combina di UPP y PPA. Pero e biaha’ki ambos a bisa caba cu nan lo tin nan mesun lista. Pa aworaki esunnan cu a mustra intencion pa participa, aunke sigur no cu lista completo di 29 candidato.

Esnan cu a participa biaha pasa tabata: Raiz (5); UPP/PPA (20); MEP (29); CURPA (10); POR (29); MAS (8); RED (10); AVP (29).

E situacion awendia ta cu sigur ta cu AVP y MEP tin 29 candidato. Aparentemente PPA lo tin un lista completo di 29 candidato. Raiz ya caba a anuncia mas candidato cu el a participa den eleccion biaha pasa cu ne. Esaki ta algun di e personanan anuncia caba di cual no. 2 di biaha pasa, sr. Lee, no ta entre e grupo aki mas. Nan ta: Ursull Arends, Liliana Erasmus, Ruthlyn Lindor, Raymond Kamperveen,  drs. Ling Wong, Liliana Erasmus, Geofrey Wever, Anko Koopmans; Carlos Guiamo, Misha Raymond, Ivan Croes, Naldo Maduro.

CURPA, HTC, UPP, Accion21,  Partido Pueblo Prome, POR, RED y Mas probablemente no ta logra forma un lista cu e maximo di candidato.

Loke cu tambe ta un realidad cu e aña aki eleccion ta completamente diferente, debi di e pandemia tin hopi reglanan cu ta stipula y lo e bay mas trankilo compara cu tur e añanan, no tin ningun permiso pa caravana y tampoco no tin mag di cana den gruponan grandi hunto, asina lo spera tambe cu lo sosode. Ley ta bisa cu solamente dos persona di cada partido so por drenta paden y haci entrega di e lista politico, ta spera cu cada partido atene nan mes na e reglanan aki tambe. Tur hende mester corda pa mantene e reglanan di DVG pa asina despues cu eleccion pasa Aruba no mester haya su mes den un situacion similar cu Corsou despues di eleccion. Pesey mes nos tur tin cu pone di nos parti pa e eleccion aki hunto cu tur esunnan cu ta organisa esaki tur cos cana na ordo.

Tambe e aña aki rond di Aruba por a mira cu no tin mucho ciudadano cu ta mustra nan color y ta ta mustra di ta un pueblo silencioso. Esaki ta pone cu tur politico ta nervioso y no por duna un pensamento tampoco di e eleccion con nan ta sinti si of no. Importante ta pa tur hende vota y NO keda sin vota , esaki ta e oportunidad di vocifera pa un maneho serio pa Pais Aruba.

Na momento cu un PAIS ta bon, su hende nan automaticamente ta bon, asina ta bo voto ta conta pa un miho Aruba.  Awe para dilanti di un eleccion historico pa prome biaha Aruba tin 12 partido cu kier bay eleccion e aña aki

Entrega di lista

Pa loke ta entrega lista, e parti di Orden Publico ta cay bou di Cuerpo Policial cu lo tin 70 polis riba pia pa atende cu e parti di entrega di lista y e area rond pa ora cu e partidonan yega na e sitio. E area hustamente rond di Censo lo ta cera pa trafico. Altocomisario den un conferencia reciente a splica cu a papia cu e partidonan caba con ta bay atende henter e campaña, inclusive entrega di lista y dia di votacion. Tur hende mester tene cuenta cu tur cos relaciona cu eleccion ta  bay ta diferente, hasta entrega di lista.

Tur cos mester bay teniendo cuenta cu medidanan existente, cu ta haci e situacion dificil den e campaña cu tur e medidanan y ta limita hopi e movecion di e ciudadanonan, Altocomisario Vanessa Tjon Kock a bisa.

E orario di entrega pa diabierna ta como lo siguiente:

  1. 9am ACCION 21
  2. 9:30am Partido Patriotico di Aruba
  3. 10am Pueblo Prome
  4. 10:30am Red Democratico
  5. 11am Union Patriotico Progresista
  6. 11:30am Movimiento Electoral di Pueblo
  7. 12pm Cristiannan Uni Reforzando Potencial di Aruba
  8. 1pm Movimiento Arubano Soberano
  9. 1:30pm Pueblo Orguyoso y Respeta
  10. 2pm HTC
  11. Arubaanse Volks Partij/Christen Democraten Aruba

Partido RAIZ a anuncia cu lo haci entrega digital

LEAVE A REPLY

Please enter your comment!
Please enter your name here