Pago di number di auto prolonga te 28 di februari

ORANJESTAD – Awe mainta a acudi un cantidad grandi di persona na Departamento di Impuesto pa paga number, mirando cu awe lo mester tabata e ultimo dia di pago. Ya caba for di trempan e oficina na Camacuri tabata yen y e parkeo tambe ta full full. 39 mil auto registra no a paga nan number di auto ainda, mayoria di nan ta di categoria A. Solamente un 51% a cumpli na tempo cu e pago di impuesto di vehiculo di motor cu ta culmina awe.

Segun vocero di departamento di belasting Meverlyn Romano a declara, e cifra di cliente cu no a cumpli ainda ta hopi halto. Aunke compara cu aña pasa e incumplimento tabata di 58% y aña aki ta un alrededor di 45% durante e periodo aki.

Mirando cu entrega di plachi a yega laat, nan a prolonga e pago di e belasting cu un luna mas. Sra. Romano a bisa cu a bin cu e decision aki bou autorisacion di minister di finansa y economia, Xiomara Ruiz-Maduro. Te 28 di februari e prolongacion aki lo ta y no lo tin mas prolongacion. Despues di e fecha aki, Polis lo controla severamente.

Entrenta mayan, 1 di februari, nan orario di servicio lo sigui normal na e departamento di belasting.

You May Also Like

Potret juan gabriel (2).jpg

Juan Gabriel un excelente artista y un filantropo di curason grandi

No a pasa mucho cu Juan Gabriel a bin Aruba pa realisa su concierto ...

Sindicato a institui comision special pa resto di 28 scol haya airco y gymzaal

Sindicato SIMAR a institui un comision special pa asina tur scol, segun nan a ...

Academia di arte ta importante, pero costoso

ORANJESTAD – Bon Dia Aruba a puntra minister Rudy Lampe (RED) tocante si lo ...

Storing di turbina 6 a causa blackout

Ayera full Aruba a keda sin coriente y tambe e presion di awa a ...

Up date baby Lunah.jpg

AZV a dicidi di manda baby Lunah pa Colombia

Finalmente y despues di hopi comentario expresa den social media y otro medionan di ...

Prijs gasoline, diesel y kerosine ta subi

E prijsnan di combustible ta subi entrante di mañan 9 augustus. Pa un liter ...