Den marduga di 28 pa habri 29 di januari, e barco di marina Zr.MS. Zeeland a intercepta un total di 2000 kilo di droga. Esaki a sosode durante patruya cu e barco tabata haci den lama di Caribe.
Tabata un avion di Warda Costa di Caribe Hulandes cu a detecta e boto riba lama grandi, mientras e tabata para di forma sospechoso. Locual a hala atencion, tabata e actuacion y posicion na unda e tabata situa. Cu ayudo di e helicopter NH90 y e FRISC, cual tin riba dje un team di Warda Costa Mericano, a bay over na para e boto y asina consecuentemente a haya e droga.
E sospechosonan y e paketenan cu droga a wordo entrega na Warda Costa Mericano. Potret ta cortesia di pagina di Facebook Defensie Caribisch Gebied.
