(AP)—E 27 paisnan den Union Europeo a adopta reglanan nobo diamars cual mester yuda reduci deforestacion global pa medio di regula e comercio di un serie di productonan cu ta acelerando e reduccion di areanan foresta rond mundo.
Bou di e legislacion, companianan cu ta haci comercio den azeta di palma, bestia domestico, palo, koffie, cocoa, rubber y soya lo mester verifica cu e productonan cu nan ta bende den UE no a contribui den deforestacion y degradacion di areanan forestal den ningun parti di mundo desde 2021.
E regulacion tambe ta cubri productonan manera chuculati of papel pa print. Areanan forestal ta un manera natural cu ta kita emision di greenhouse gas for di e atmosfera, mirando cu planta ta absorba koolstofdioxide mientras nan ta crece.
Segun e Instituto Global di Recurso, un area forestal cu tamaño ekivalente na 10 veld di futbol ta disparce cada minuut y UE ta bisa cu sin regulacion nobo, e por ta responsabel pa e perdida di 248.000 hectar di deforestacion pa aña—un superficie casi mesun grandi cu e pais di Luxemburgo.
“Implementa efectivamente, e ley por reduci emision di greenhouse gas cu ta resulta di deforestacion pa cuminda y otro productonan,” segun Stientje van Veldhoven, e director regional di e Instituto Global di Recurso pa Europa. “Y e por yuda proteha biodiversidad critico y recursonan di awa den boskenan tropical.”
Van Veldhoven a agrega cu UE mester coopera awo cu paisnan cu ta produci pa asina sigura cu nan por adapta e legislacion nobo sin cu causa daño pa nan economia y bida di hende.
“Esaki ta bay rekeri incentivonan pa gruponan vulnerabel manera campesinonan, pa cambia pa practicanan cu no ta contribui na deforestacion, sigurando cu nan no keda atras den e transicion aki,” el a bisa.
Boskenan rond mundo ta sigui cay bou menasa for di limpiamento pa agricultura y producto, incluyendo azeta di palma y di soya. E Organisacion di Cuminda y Agricultura di UE ta calcula cu 420 miyon hectar di boske—un area mas grandi UE—a ser destrui entre 1990 y 2020.
