(AP) – Un panel di conseheronan di salud di Merca riba damars a apoya un pildo hopi supervisa di Merck, habriendo e escenario pa un autorisacion hopi probabel di e prome medicamento cu Mericanonan lo por tuma na cas pa trata e virus.

E Food and Drug Administration su panel a vota 13-10 cu e medicamento antivirual su beneficionan ta hopi mas halto cu e riesgonan, incluyendo posibel defecto di nacemento si usa e pildo aki durante embaraso.

“Mi ta mira esaki manera un decision increiblemente dificil di tuma cu tin hopi mas pregunta cu contesta,” miembro di e panel Dr. Lindsey Baden di Harvard Medical School, ken a vota den fabor di e medicamento a conta. El a bisa cu Food And Drug Administration lo mester cuidadosamente modifica e uso di e medicamento pa pashentnan cu mas lo beneficia di su uso.

E recomendacion a bin oranan despues di e debate tocante e medicamento su beneficonan y e potencial den problemanan cu siguridad. Mayoria di experto apoyando e medicamento a enfatisa cu esaki no mestrer ser usa pa personanan cu ta na estado y a haci yamada na Food and Drug Administration pa tuma extra precaucion prome cu e medicamento keda receta, manera testnan di embaraso na muhenan of muchanan muhe di edad cu por embarasa.

E voto aki specificamente a apoya e medicamento pa adultonan cu COVID-19 leve te cu modera cu ta enfrenta riesgo mas halto, incluyendo personanan di edad mas halto y e personanan cu condicionnan manera obesidad y asthma. Mayoria di expertonan tambe a bisa cu e medicamento no por ser usa den personanan vacuna, cu no tabata parti di Merck su investigacion y te ainda no a keda demostra di tin beneficio.

 

LEAVE A REPLY

Please enter your comment!
Please enter your name here