Un dama di 79 aña y e miembro di mas bieu di un grupo cu a biaha casi 900km for di e ciudad di Osorno pa Santiago, pa nan por vocifera nan preocupacion durante bishita di Papa Francisco den capital di Chile.
“E papa y sacerdotenan Chileno no ta pensa riba nos anto esaki ta realmente haci nos hopi duele,” Silvia Aguilar Maldonado ta bisa. “Nos tur ta catolico y nos ta kere den e mesun Dios. Nos kier haya un solucion pa e problemanan aki,” e ta sigui expresa referiendo na e oposicion vocal di e grupo pa locual ta ordinacion di Juan Barros manera sacerdote di Osorno. Mas o menos mil persona a firma un carta na Papa Francisco pa por fabor revisa e decision aki. E motibo ta pasobra nan ta acusa Barros di uza su posicion den e misa Catolico pa block un investigacion den accionnan di su mentor, cu ta liga na abuso di mucha segun Fernando Karadima, un pastor Catolico na Chile.
Fuente: BBC
