Un pareha a keda deteni despues cu autoridadnan a haya 13 mucha cu tabata secuestra den un cas na California cual tabata den condicionnan sumamente malo.
Algun di e muchanan tabata mara na nan cama cu cadenan hopi grandi y fuerte segun autoridadnan. E motibo pa kico nan tabata mara y secuestra ainda no ta mucho cla mientras e investigacion ta sigui, pero aparentemente e mayornan tabata ‘home school’ nan yiunan.
E victimanan tabata entre edadnan di 2 pa 29 segun departamento di Riverside County Sheriff. Un mucha muhe di 17 aña a logra scapa di e residencia na Perris, California, riba diadomingo ultimo anto a yama polis for di un telefon cu el a haya den e cas. E mucha muhe a bisa cu su 12 rumannan homber y muhe tabata wanta na cas di su mayornan, algun di nan mara cu diferente tipo di cadena y wayanan. Tur tabata mustra na werki, nan tabata ta mustra malnutri, y autoridadnan a pensa na prome instante cu tur tabata mucha mientras 7 di nan ta adulto.
Fuente: CNN
